28.08.2012
Smá þjófstart verður tekið á starfsemi Félagsmiðstöðvarinnar Ozon næsta föstudagskvöld, þann 31. ágúst kl. 20:00. Þá ætlar Bergvin Oddsson - Beggi blindi - að kíkja til okkar með fyrirlestur og uppistand. Viðburðurinn er fyrir 7.-10. bekk. Beggi er fyndinn og skemmtilegur náungi sem hefur slegið í gegn með uppistandi sínu.Hann missti sjónina þegar hann var í 9. bekk, en lætur það ekki hamla sér á neinn hátt. Hann hefur skrifað skáldsögur fyrir börn og unglinga og hefur einnig gefið út eigin reynslusöguna "Að heyra barnið sitt vaxa" sem fjallar um hvernig er að annast barnið sitt án þess að sjá það.
