| Hólmavík |
|
SV 13 m/s |
|
|
Þröskuldar
Krap/skafrenn
|
||||
|
Steingrímsfjarðarheiði
Krap/skafrenn
|
Sveitarfélög í Strandasýslu hafa samstarf um Sorpsamlag Strandasýslu sem er sjálfstætt hlutafélag sem sér um sorphirðu í öllum sveitarfélögum á Ströndum.
Móttökustöð Sorpsamlags Strandasýslu er staðsett að Skeiði 3 á Hólmavík. Hægt er að fara með flokkaðan endurvinnanlegan úrgang þangað á opnunartíma móttökustöðvar Sorpsamlags Strandasýslu.
Markmið Strandabyggðar er að lágmarka magn úrgangs sem fer til förgunar með því að draga úr myndun úrgangs og auka endurnotkun og endurnýtingu. Horft er til úrgangsþríhyrningsins í meðhöndlun úrgangs, áhersla lögð á úrgangsforvarnir og mengunarbótareglan höfð að leiðarljósi við ákvörðun gjaldtöku vegna meðhöndlunar úrgangs.
Í byrjun janúar 2026 fengu öll heimili í Strandabyggð þrjár nýjar sorptunnur undir pappa/pappír, plast og blandaðan úrgang. Heimili í þéttbýli hafa einnig fengið fötur undir lífúrgang sem verða losaðar einu sinni í viku. Þegar stórar breytingar eiga sér stað, eins og breytt fyrirkomulag sorphirðu, þá fylgja oft margar spurningar í kjölfarið. Hér að neðan verða birtar algengar spurningar um breytingu á sorphirðu fyrirkomulagi Strandabyggðar. Ef einhverjar spurningar vakna þá vinsamlegast hafið samband við skrifstofu Strandabyggðar í síma 451-3510 eða í tölvupósti strandabyggd@strandabyggd.is
Nei. Lífúrgangur er ekki sóttur við heimili í dreifbýli. Í dreifbýli verða sóttir eftirfarandi úrgangsflokkar: pappi/pappír, plast og blandaður úrgangur.
Verið er að vinna að útfærslu fyrir íbúa að losa lífúrgang í dreifbýli. Verið er að útfæra lausn við að hafa það á grenndarstöðvum sem settar verða upp í sveitarfélaginu. Þangað til er hægt að fara með lífúrgang á móttökustöð Sorpsamlags Strandasýslu.
Grenndarstöðvar í Strandabyggð verða þrjár, ein á Hólmavík og tvær í dreifbýli
Grenndarstöðin á Hólmavík verður staðsett á stóra bílastæðinu við Félagsheimilið við Hólmavík. Þar verður hægt að fara með málmumbúðir, glerumbúðir og textíl.
Grenndarstöð verður í Bitru. Þar verður hægt að fara með málmumbúðir, glerumbúðir og textíl. Verið er að skoða útfærslur til að losa lífúrgang, pappaumbúðir og plastumbúðir frá dreifbýli á grenndarstöð.
Grenndarstöð verður á Langadalsströnd. Nánari staðsetning verður auglýst síðar. Þar verður hægt að fara með málmumbúðir, glerumbúðir og textíl. Verið er að skoða útfærslur til að losa lífúrgang, pappaumbúðir og plastumbúðir frá dreifbýli á grenndarstöð.
Á grenndarstöðvum verður hægt að fara með glerumbúðir, málmumbúðir og textíl. Skoðað verður hvort þörf verði á að bæta við úrgangsflokkunum pappaumbúðum og plastumbúðum þegar líður á vorið.
Það fer eftir því hvaða úrgangsflokka er farið með.
Það er ekki tekið gjald fyrir þá úrgangsflokka sem er skylt að flokka þ.e. pappa/pappír, plastumbúðir, glerumbúðir, málmumbúðir, textíl og lífúrgang. Það verður tekið gjald fyrir að losa blandaðan úrgang.
Aðrir úrgangsflokkar fara eftir gjaldskrá Sorpsamlags Strandasýslu ehf. Hana má nálgast hér: Gjaldskrár | Strandabyggð
Samkvæmt lögum nr. 55/2003 um meðhöndlun úrgangs og Reglugerð nr. 803/2023 um meðhöndlun úrgangs þá geta íbúar á aðliggjandi lóðum sótt um sameiginlega söfnun úrgangs. Það er gert hjá skrifstofu Strandabyggðar strandabyggd@strandabyggd.is.
Íbúar beggja heimila þurfa að vera samþykkir því og senda inn sameiginlega beiðni.
Nei. Tunnan sem var skilin eftir er eign heimilsins og þið getið ráðstafað henni af vild undir annað en úrgang sem er sóttur við heimili.
Ef settur er blandaður úrgangur í báðar tunnur og þær báðar losaðar er litið á það sem auka söfnun og rukkað samkvæmt gjaldskrá um sorphirðu og sorpeyðingu í Strandabyggð.
Móttökustöð Sorpsamlags Strandasýslu er sem stendur opin mánudaga-fimmtudaga kl 8:30-16:30, föstudögum kl 8:30-12:00 og á sunnudögum kl 11:00-14:00
Seinna verður opnunartímanum breytt og verður eftirfarandi:
Þriðjudaga og fimmtudaga kl: 14:00-16:30
Sunnudaga kl: 11:00-14:00
Hægt er að fara með lífúrgang á móttökustöð Sorpsamlagsins á dagvinnutíma. Jarðgerðarvélin er inni í húsinu en ekki úti á lóð eins og aðrir úrgangsflokkar. Hægt er að koma með lífúrgang á dagvinnutíma, mánudaga til fimmtudaga kl 8:30-16:30 og föstudaga kl 8:30-12:00.
Þegar Sorpsamlagið hefur lokað svæðinu þá verður hægt að koma með lífúrgang á auglýstum opnunartíma Sorpsamlagsins.
Móttökustöð Sorpsamlags Strandasýslu verður opið á eftirfarandi dögum:
Þriðjudaga og fimmtudaga kl: 14:00-16:30
Sunnudaga kl: 11:00-14:00
Hægt er að fara með úrgang sem safnast saman í fjöruhreinsun eða við hreinsun á víðavangi á móttökustöð Sorpsamlags Strandasýslu ehf á Skeiði 3 á Hólmavík endurgjaldslaust.
Já, þar sem ekki er skylda samkvæmt lögum að sækja úrgangsflokka við hús í dreifbýli þá er hægt að sækja um undanþágu frá Samþykkt um meðhöndlun úrgangs í Strandabyggð. Það verður að hafa samband við skrifstofu Strandabyggðar í síma 451-3510 eða í tölvupósti strandabyggd@strandabyggd.is .
Þá verður gerð breyting á fasteignagjöldum sem ætti að skila sér við næsta gjalddaga.
ATH. Í þeim tilfellum er íbúum skylt að losa úrgang sjálf á móttökustöð eða grenndarstöð og verður úrgangur ekki sóttur við heimili. Öllum er skylt að flokka heimilisúrgangs samkvæmt lögum, hvort sem hann er sóttur við hús eða ekki.
ATH þetta á eingöngu við um dreifbýli. Sveitarfélaginu er skylt samkvæmt lögum að sækja úrgang við heimili í þéttbýli og ekki heimilt að fella niður tunnugjöld þó íbúar fari með úrgang á móttökustöð.