Í starfsmannastefnu er fjallað um þróun og hæfni, móttöku nýrra starfsmanna og starfslok
Starfsmannastefna
Starfsmannastefna skóla í Strandabyggð
Grunnstefna
Við skólann starfar metnaðarfullt starfsfólk sem leggur sig fram um að veita nemendum og foreldrum þeirra framúrskarandi þjónustu.
Starfsfólk sameinaðs skóla á Hólmavík er hópur faglærðra og ófaglærðra starfsmanna sem vinna saman að því að byggja upp skólastarf þar sem áhersla er lögð á vilja, virðingu, umburðarlyndi og tillitssemi með hagsmuni nemenda að leiðarljósi. Þau starfa undir verkstjórn skólastjórnenda og í náinni samvinnu við nemendur, foreldra þeirra og aðra sem koma að skólastarfinu.
Starfsfólk ber ábyrgð á öllum þáttum skólastarfsins, þar á meðal undirbúningi, framkvæmd og mati. Lögð er áhersla á jákvæða og uppbyggilega vinnustaðamenningu þar sem stuðningur, þekkingarmiðlun og starfsþróun eru í forgrunni.
Markmið: Að ráða hæft og metnaðarfullt starfsfólk.
- Öll störf skulu auglýst opinberlega nema þegar um tímabundnar ráðningar eða tilfærslur er að ræða.
- Nýjum starfsmönnum skulu kynnt réttindi og skyldur samkvæmt móttökuáæltun.
Ábyrgð: Skólastjóri leik- og grunnskóla
Markmið: Að gera starfsfólki kleift að þróast í starfi.
- Tryggja aðgengi að námskeiðum og sveiganleika til að sækja þau.
- Tryggja aðgengi að persónulegri starfsþróun og svigrúmi til að þróast í starfi.
- Tryggja reglubundið mat á hæfni kennara í samræmi við hæfniramma.
Ábyrgð: Skólastjóri leik- og grunnskóla.
Markmið: Að tryggja aðbúnað, hollustuhætti og öryggi.
- Framkvæma skriflega áætlun um öryggi og heilbrigði á vinnnustað og fylgja henni eftir.
- Tryggja góð samskipti og andlegt starfsumhverfi.
Ábyrgð: Skólastjóri leik- og grunnskóla og trúnaðarmenn.
Markmið: Að stuðla að jafnrétti kynjanna í öllu skólastarfi.
- Vinna eftir jafnréttisáætlun skólans.
Ábyrgð: Skólastjóri leik- og grunnskóla
Markmið: Að efla samskipti og starfsþróun
- Halda starfsmannaviðtöl á hverju vori og tryggja tíma í fundaáætlun skólans fyrir þau.
- Halda utan um starfsþróun starfsmanna í samræmi við hæfniramma ríkisins um hæfni leik- og grunnskólakennara í starfi.
Ábyrgð: Skólastjóra leik- og grunnskóla.
Markmið: Að tryggja faglega meðhöndlun starfsloka.
- Halda starfslokasamtöl og tryggja varðveislu þekkingar innan skólans.
Ábyrgð: Skólastjóri leik- og grunnskóla.