Fréttir og tilkynningar

Strandabyggð óskar eftir að ráð veiðimenn til refaveiða á svæðum 5 og 6 í Strandabyggð. Svæði 5 nær frá Grjótá að Selá og svæði 6 nær frá Mórillu að Ísafjarðará. Samkvæmt reglum Strandabyggðar um refaveiðar er einungis veiðimönnum með samning við sveitarfélagið greitt fyrir refaveiðar. Ráðinn veiðimaður sér sjálfum um allann búnað til veiðanna og skal hann ekki brjóta í bága við lög og reglugerðir. Hér má sjá reglur um refaveiðar í Strandabyggð.

Opið er fyrir umsóknir í Vinnuskóla Strandabyggðar sumarið 2018. Umsóknarfrestur er til 1.maí!

Vinnuskóli Strandabyggðar er metnaðarfullt tómstundastarf unnið í samstarfi tómstundafulltrúa, áhaldahúss, Leikfélags Hólmavíkur og ungmenna á svæðinu. Í vinnuskólanum er unglingum skapað öruggt og gefandi starfsumhverfi þar sem ungmenni kynnast fjölbreyttum störfum, temja sér vinnusiðferði og marka sér stefnu fyrir framtíðina. Í sumar verður boðið upp á

Sveitarstjórn Strandabyggðar boðar til íbúafundar í Félagsheimilinu á Hólmavík, mánudaginn 12. mars 2018, kl. 17:00.

Fundurinn er tvískiptur, fyrir hlé fara sveitarstjórnarmenn yfir sína málaflokka, hvað hefur verið gert, hvað hefur setið á hakanum, hvað er framundan og verkefni sem gott væri að fara í. Boðið verður upp á súpu í fundarhléi. Eftir hlé gefst íbúum kostur á að koma fram með hugmyndir og áherslur á verkefni og framkvæmdir sem þeir vilja sjá framundan. Unnið verður í hópum og mun Skúli Gautason menningarfulltrúi Vestfjarða leiða þá vinnu.
Allir íbúar eru hvattir til að koma og taka þátt.