Fundur nr. 1305 í sveitarstjórn Strandabyggðar var haldinn þriðjudaginn 9. júní 2020 í Hnyðju, Höfðagötu 3. Fundurinn hófst kl. 16:40. Eftirtaldir sveitarstjórnarmenn sátu fundinn: Jón Gísli Jónsson, Ásta Þórisdóttir, Aðalbjörg Signý Sigurvaldadóttir, Eiríkur Valdimarsson og Guðfinna Lára Hávarðardóttir. Þorgeir Pálsson ritaði fundargerð.
Fundardagskrá er svohljóðandi:
- Breytingar á nefndarskipan
- Aðalfundur Sorpsamlags Strandasýslu
- Samband íslenskra sveitarfélaga – stjórnarfundur 884, frá 20.05.20
- Náttúrustofa Vestfjarða, stjórnarfundur 129, frá 14. maí 2020
- Heilbrigðiseftirlit Vestfjarðasvæðis, fundargerð 128, frá 28. maí 2020, ársskýrsla 2019
- Landskerfi bókasafna, ársreikningur 2019.
Þá var gengið til dagskrár. Oddviti setti fundinn kl. 16:40 og bauð fundarmenn velkomna.
- Breytingar á nefndarskipan
Sveitarstjóri sagði frá breytingum á skipan í Ungmennaráði þar sem Benedikt Jónsson er ekki lengur starfandi í ráðinu og hefur látið af formennsku.
Fram kom tillaga Aðalbjargar Signýjar Sigurvaldadóttur um að „Ungmennaráð Strandabyggðar verði tekið til endurskoðunar og legg til að það verði skipað fulltrúum ungmenna á aldrinum 16-25 ára“ og einnig að farið verið í „ ...endurskoðun á Erindisbréfi og samþykkt Ungmennaráðs Strandabyggðar“. Talsverð umræða spannst um aldursmörk þátttakenda í ráðinu. Tillagan var samþykkt með þremur atkvæðum. Eiríkur Valdimarsson greiddi atkvæði gegn tillögunni. Jón Gísli Jónsson sat hjá.
- Aðalfundur Sorpsamlags Strandasýslu
Oddviti sagði frá aðalfundi sem er framundan og ræddi mikilvægi þess að Strandabyggð hefði tvo fulltrúa í stjórn Sorpsamlagsins. Sveitarstjórn samþykkti Jón Gísla Jónsson sem fulltrúa Strandabyggðar á fundinn.
- Samband íslenskra sveitarfélaga – stjórnarfundur 884, frá 20.05.20
Lagt fram til kynningar.
- Náttúrustofa Vestfjarða, stjórnarfundur 129, frá 14. maí 2020
Lagt fram til kynningar.
- Heilbrigðiseftirlit Vestfjarðasvæðis, fundargerð 128, frá 28. maí 2020, ársskýrsla 2019
Lagt fram til kynningar. Bent var á samantekt um aðgerðir í umhverfismálum sem fram kemur í skýrslunni.
- Landskerfi bókasafna, ársreikningur 2019
Lagt fram til kynningar.
Fundargerð lesin yfir og ekki fleira tekið fyrir. Fundi slitið kl.17.24.
Aðalbjörg Signý Sigurvaldadóttir
Ásta Þórisdóttir
Eiríkur Valdimarsson
Jón Gísli Jónsson
Guðfinna Lára Hávarðardóttir.