Kæru foreldrar
Síðasta vika gekk ljómandi vel, allir voru mjög duglegir að vinna að markmiðum sínum.
Í íslensku fengu nemendur nokkur orð í hendurnar, þessum orðum áttu þeir að raða upp í setningu og skrifa hana í stílabókina. Síðan áttu þeir að breyta setningunni sinni yfir í spurningu . Þetta gekk ljómandi vel. Þá fórum við nokkrum sinnum í orðabingó, það þótti þeim mjög gaman. Stafurinn y Y var kynntur og unnu nemendur í 1. bekk verkefni honum tengd. Á meðan unnu nemendur í 2. bekk verkefni í Ritrúnu, Ás og í Við lesum. Þá myndskreyttu allir ljóð í ljóðabókina sína. Lásu frjálst og skrifuðu frjálst í 5 mínútna ritun.
Í stærðfræði var meðal annars verið að vinna með samlagningu og frádrátt (tölur upp í 20), tölfræði og lengdir.
Í íþróttum fóru nemendur í stöðvaþrautir í fyrri tímanum sem reyndu m.a. á jafnvægi, en í seinni tímanum fóru nemendur í hringþjálfun sem reyndi m.a. á samhæfingu, styrk og þol.
Í listum eru nemendur enn að smíða og náðu felstir að klára bátana sína.
Í trúarbragðafræði unnu nemendur myndverk tengt páskunum. Þeir unnu verk sem túlka átti föstudaginn langa.
Í upplýsingatækni skrifðu nemendur sögu í word-skjal fundu mynd af netinu og límdu hana inná. Síðan lásu þau söguna hver fyrir annan.
5 ára hópurinn kom í heimsókn til okkar eins og undanfarnar vikur, að þessu sinni unnu þau með orðmyndirnar ís, lás og sól í bókinni Við lesum. Á meðan unnu nemendur í 1. - 2. bekk eina æfingu í stafsetningu síðan sameinaðist allur hópurinn í kubba vali.
Í heimilisfræði unnum við verkefnið „Hvaðan kemur maturinn?" Matreiðslutíminn sem vera átti féll niður vegna veikinda en í staðinn horfðu við á myndina Hopp.
Næsta fimmtudag verður Árshátíðin okkar í félagsheimilinu og hefst hún klukkan 19:30. Mikilvægt er að allir mæti tímalega þar sem við verðum fyrst á sviðið. Á Föstudeginum verður stóri pönnuköku dagurinn skólastjórnendur baka ásamt nemendum í 6. bekk pönnukökur fyrir nemendur og starfsfólks skólans. Athugið að á fösudaginn byrjar skólinn klukkan 9:00 en nemendur eru velkomin í skólann á réttum tíma og mun starfsfólk skólans taka vel á móti þeim :)
31. mars hefst svo páskafríið, nemendur mæta hressir og kátir í skólann aftur miðvikudaginn 11. apríl.
Með góðri kveðju,
Vala