Sælir kæru foreldrar :)
Önnur kennsluvika skólaársins fór að mestu leyti fram innan veggja skólans. Við byrjuðum vikuna á því að fara í söngstund, þar sem allri nemendur skólans komu saman og sungu nokkur lög.
Í stærðfræði unnu nemendur í 1. bekk með formin og með hugtökin færri en og fleiri en. Á meðan unnu nemendur í 2. bekk með plús og mínus.
Í íslensku unnu nemendur í 1. bekk í bókinni ,,Listin að lesa og skrifa" þar sem unnið var með stafinn Ó ó. En á meðan unnu nemendur í 2. bekk í bókinni ,,Það er leikur að læra 2"
Við fórum í okkar fyrsta enskutíma, við byrjuðum á því að telja upp á 10 en svo skoðuðum við nokkur dýraheiti. Þetta gekk allt saman vel og allir stóðu sig frábærlega vel.
Unnin var í verkefnahefti ,,Svona geri ég", ýmisleg þjálfunarverkefni fyrir fínhreyfingar.
Allir lásu fyrir okkur Öldu og farið var í stafaleiki og svo klöppuðum við atkvæðafjölda í ýmsum orðum.
Einnig fórum við í okkar fyrsta tölvutíma, en í honum unnu nemendur verkefni í fingrafimi.
Við fengum smá valtíma en í honum fengum við að velja um að perla, púsla, teikna og leika með teygjur á tinnabretti.