Ef þú hefur áhyggjur af einhverju varðandi skólagöngu barnsins þíns getur þú leitað til skrifstofu Heimilis og skóla.
Símanúmer er 562-7475, kl. 9 - 12 Netfang: heimiliogskoli@heimiliogskoli.is
Fyrirlestar á vegum Heimilis og skóla
Samtökin bjóða upp á fyrirlestra fyrir leik-, grunn- og framhaldsskóla.
Meðal annars er boðið upp á:
- Fyrirlestra um foreldrastarf, bekkjarstarf og skólamál almennt
- Námskeið fyrir bekkjarfulltrúa
- Að efla samstarf foreldra og samstarf heimila og skóla
- Kynningar á breytingum sem fylgja nýju menntalögunum
- Foreldraráð í leikskólum, skólaráð í grunnskólum og foreldraráð í framhaldsskólum
- SAFT -örugg netnotkun barna og unglinga
Verkefnastjórar Heimilis og skóla s: 562 7475 heimiliogskoli@heimiliogskoli.is, www.heimiliogskoli.is
Helga Margrét Guðmundsdóttir, helgamg@heimiliogskoli.is , s: 562 7470
Hrefna Sigurjónsdóttir, hrefna@heimiliogskoli.is , s: 562 7475 (í fæðingarorlofi)
Elín Helgadóttir, elin@heimiliogskoli.is, s: 562 7475
Aðaláherslur í starfseminni eru þessar:
- að veita foreldrum / félagsmönnum stuðning og liðveislu og miðla upplýsingum til foreldra svo að þeir geti betur sinnt uppeldi barna sinna og skólagöngu þeirra
- að koma sjónarmiðum foreldra á framfæri við yfirvöld og vinna að því að auka áhrif foreldra á skólastarf.
- að efla starf foreldrafélaga og leggja þeim lið svo að þau verði sem virkust þannig að foreldrar finni þar vettvang til samstarfs við skólann og til þátttöku í foreldrastarfi á landsvísu.
Þjónusta Heimilis og skóla felst einkum í eftirfarandi:
- að veita foreldrum/félagsmönnum stuðning og liðveislu til að þeir geti axlað uppeldishlutverk sitt
- að miðla upplýsingum til foreldra svo þeir séu betur í stakk búnir til að taka þátt í mótun skólasamfélagsins
- að efla starf foreldrafélaga svo þau verði sem virkust og foreldrar finni þar vettvang til samstarfs við skólann og til þátttöku í foreldrastarfi á landsvísu
- að efla starf foreldraráða svo þau geti veitt skólum og skólayfirvöldum virkt og uppbyggjandi aðhald
- að koma sjónarmiðum foreldra á framfæri við yfirvöld þegar teknar eru ákvarðanir sem varða skóla- og uppeldismál
- að standa, ein eða í samvinnu við fleiri aðila, að verkefnum og vinnu sem stuðlar að bættum uppeldis- og menntunarskilyrðum barna og unglinga og bættum hag fjölskyldna
- að undirbúa stofnun foreldrafélaga við framhaldsskóla landsins
Á vefsíðu Heimilis og skóla er mikið af hagnýtu og fróðlegu efni fyrir foreldra
www.heimiliogskoli.is