Kæru foreldrar
Vikan hefur gengið nokkuð vel hjá okkur í 5. 6. og 7. bekk.
Lára hefur verið í námslotu þessa vikuna en við höfum fengið Eirík, Önnu Birnu og Huldu í heimsókn til okkar til að leysa hana af.
Verkefnið okkar í samfélagsfræði er komið á fullt skrið og nemendur eru kappsamir og duglegir að leita sér heimilda um líf og störf landnámsmanna. Það reynir svolítið á skipulag og að vinna saman að sameiginlegum markmiðum, en þetta kemur allt saman :)
Nemendur 5. bekkjar tóku lesskilningspróf í vikunni og í næstu viku verður málfræðipróf hjá þeim.
Þeir nemendur sem eru í ensku hjá Önnu Birnu eru að fara í próf á næsta mánudag.
Umsjónarmenn vikunnar voru Guðmundur Ragnar og Guðrún Júlíana og þau stóðu sig afskaplega vel í umsjónarstarfinu.
Nemendur 6.-og.7.bekkjar fara á mánudagsmorgun í skólabúðir í Reykjaskóla, nokkur spenningur er kominn í hópinn og allir eru búnir að ákveða að skemmta sér vel.
Góða helgi
Lára og Kristjana