Orkuboltarnir í 5.-6.-og 7.bekk áttu ágætis viku og það voru allir duglegir að læra. Við vorum með gestanemandann Gunnar, sem var með okkur alla vikuna. Hann furðaði sig oft á látunum í bekknum. Allir nemendur Grunnskóla Hólmavíkur fengu að heimsækja Sauðfjársetrið í Sævangi en þar var Dagrún Ósk Jónsdóttir með áhugaverðan fyrirlestur um álagabletti í Strandasýslu og síðan skoðuðu nemendur sýningu um álagabletti.
Í næstu viku verður skriftarátak í 6.-og 7.bekk þar sem þau ætla að vanda skrift í heila viku, muna að hafa bil á milli orða og fleira. Átakinu lýkur svo með skriftar-og stafsetningarkönnun föstudaginn 25.okt.nk.
Guðbjartur og Róbert voru umsjónarmenn vikunnar og stóðu sig með prýði.
Þeir höfðu þetta að segja (með hjálp bekkjarfélaganna) : Við erum búin að vera með gest í vikunni sem er með brún augu. Náttúrufræðin var mjög skemmtilega og við fengum að horfa á mynd í tímanum. Við fórum á Sævang og við töluðum um það. Í enskutíma var farið í Actionary, að hlaupa og skrifa. Fyrir samfélagsfræðikönnunina var spurningaleikur .
Bestu kveðjur,
Guðbjartur, Róbert, Sóley Ósk og Lára.