Fréttabréf 17.janúar 2014

Kæru foreldrar
Vikan hefur gengið ljómandi vel hjá okkur í 5. 6. og 7. bekk.
Nemendur tóku kannanir í stærðfræði og í samfélagsfræði.
Í einhverjum tilfellum gleymdu nemendur að undirbúa sig fyrir samfélagsfræðiprófið og þá vill skapast svolítill kvíði í nemendum.  Við viljum því biðja ykkur foreldra um að aðstoða börnin við undirbúning fyrir próf, spyrja þau út í námsefnið og fara yfir spurningablöðin með þeim.

Íþróttahátíð grunnskólans var haldin í félagsheimilinu á miðvikudaginn og tókst hún afbragðsvel. Gaman var að sjá nemendur og foreldra samankomna í leik og þrautum :)

Í dag föstudag fengum við gesti til okkar. Þorsteinn og Cyrus frændur Róberts Mána og Daníels Freys voru með okkur í dag. Þeir búa á Kjalarnesi en eru í heimsókn hjá frændum sínum. Það er alltaf gaman að fá gesti og fá að sýna hvað við erum að gera í skólanum hérna.

Það styttist í upplestarkeppni 7. bekkjar og af því tilefni höfum við ákveðið að æfa okkur í framsögn næstu tjáningatíma.Í dag fóru nemendur heim með ljóðablað. Á mánudaginn er æfing í framsögn þar sem nemendur lesa upp ljóðin sem þeir tóku heim með sér í dag. Þeir hafa því helgina til að æfa sig í lestrinum.

Díana og Elín voru umsjónarmenn vikunnar og stóðu sig mjög vel við að sjá um að allur frágangur væri góður.

Með bestu kveðju og góða helgi
Lára og Kristjana