Æsa og Gauti

Heil og sæl.
     Eins og áður hefur komið fram eru nemendur "á ferðalagi" með Æsu og Gauta í samfélagsfræði. Þriðjudaginn 5.nóv taka nemendur próf upp úr því efni sem þau hafa lesið fram að því og munu þau taka þátt í að búa prófið til. Það reynir því kannski svolítið á aðstoð foreldra í þeim efnum. Nemendur fá bókina með sér heim og eiga sjálf að búa til nokkrar spurningar upp úr lesnu efni. Þau hafa nægan tíma þar sem enn er tæpur mánuður í prófið og geta þau hafist handa strax í næstu viku með að semja spurningar upp úr því sem nú þegar hefur verið farið yfir. Þau skila svo spurningunum til mín og mun ég sjá um að koma þeim á prentað form. Að einhverju leyti munu þau einnig fá tíma til að stúdera gerð þessara spurninga í tímum fram að prófi.
    
     Nemendur náðu að fylla verðlaunakrukkuna sína í síðustu viku og tóku verðlaunin út nú í dag, föstudag. Fyrir valinu varð myndin E.T. Ekki náðist að klára myndina og því munum við taka okkur einhverja stund eftir helgi til að klára. Börnin eru þegar farin að safna aftur í krukkuna og komið ríflegt botnfylli. Ég mynni svo á að lestrarátakið er í fullum gangi og hvet foreldra til að taka þátt með börnum sínum með einum eða öðrum hætti. Við erum byrjuð á nýrri bók í sögulestri og er hún framhald af bókinni öðruvísi dagar. Sú sem nú er í lestri hetir Öðruvísi fjölskylda. (höf. Guðrún Helgadóttir)
Að lokum óska ég ykkur góðrar helgar.
Með kveðju og vinsemd
Íris Björg