Hér er Símon Ingi með Legóið

Símon stoltur við eina hilluna sem hann setti saman í haust

Þessar setti Símon saman í fyrra.

« 1 af 3 »

Þessi ungi piltur í 8. bekk Símon Ingi Alfreðsson kom færandi hendi í vor og gaf skólanum alla Legókubbana sína að gjöf í þessum fína kassa. Gjöfin kom sér mjög vel og hafa nemendur skólans notið hennar vel og mikið bæði í sérkennslunni og við leik og störf í skólanum. Símon Ingi var þeirrar skoðunar að kubbarnir kæmu að betri notum hér en heima þar sem margir nemendur þyrftu á því að halda að geta litið upp úr hefðbundnu bóknámi, breytt um umhverfi og farið að kubba sem er jú til gagns og ekki einungis gamans. Legókubbar eru góðir til að þjálfa fínhreyfingar, rökhugsun, stærðfræði og þjálfa samhæfingu augna og handa. Skólinn þakkar Símoni Inga og fjölskyldu fyrir þessa góðu gjöf.

Það er ekki nóg með að Símon hafi gefið Legókubbana sína heldur hefur hann verið einstaklega handlaginn hér innan húss og meðal annars aðstoðað okkur við að setja saman þessar hvítu hillur sem hafa reynst nemendum og kennurum vel. Símon er mikill verkmaður, vandvirkur og útsjónarsamur þegar það kemur að því að setja saman hluti og höfum við aldeilis notið góðs af því í gegnum árin.

Hildur Jakobína Gísladóttir, félagsmálastjóri Stranda og Reykhólahrepps. Mynd: Brian Berg.

Ekki er til lækning við ADHD enda ekki skilgreint sem sjúkdómur. Þetta er krónískt ástand sem fylgir einsatklingi frá barnsaldri, en það er  oftast greint innan 7 ára aldurs, til fullorðinsára. Mikilvægt er að skilja að barn sem er með ADHD velur ekki sjálft að vera til vandræða - og er í sjálfu sér ekki til vandræða heldur veldur frávikið hegðun þess. Því miður verða börn með ADHD oft útskúfuð félagslega vegna hegðunar sinnar. Þó er hægt að kenna barni með ADHD ýmislegt til að hjálpa því að falla félagslega inn í hópa. Flest þessi börn eru á lyfjum, fjölskyldur þeirra fá ráðgjöf og stuðning til að eiga við hegðun barnsins og oft eru gerðar einstaklingsmiðaðar stundaskrár í skóla til að barninu gefist kostur á að læra á sínum hraða og samkvæmt sinni getu sem getur verið mismunandi frá degi til dags. Einnig er stuðst við hegðunarmótandi aðferðir.

Það skal tekið skýrt fram að ADHD er algerlega óháð greind. Börn með ADHD geta vel lært. Þau þurfa umfram allt á skilningi, stuðningi, umhyggju og þolinmæði þeirra að halda sem vinna með þeim. Foreldrar barna, sem eru í bekk með börnum sem glíma við ADHD, þurfa að upplýsa börn sín um hvað það sé að vera með ADHD og hvað það felur í sér. Börn eru að upplagi fordómalaus og við foreldrar þurfum að vera þeim fyrirmynd og meðvituð um okkar eigin fordóma.

Foreldrar barna með ADHD þurfa einnig á skilningi annarra að halda og stuðningi því að það er ekki alltaf auðvelt að glíma við barn með ADHD. Góðu fréttirnar eru þær að almenningur er orðinn mjög meðvitaður um hvað það felur í sér að eiga barn með ADHD og því hafa fordómar samfélagsins minnkað til muna. Þetta hjálpar foreldrum barnanna mikið fyrir utan hvað það skiptir einstaklinginn sjálfan miklu máli sem glímir við röskunina.

Stöndum saman og sýnum skilning, það skilar alltaf bestum árangri.

Hildur Jakobína Gísladóttir

félagsmálastjóri Stranda og Reykhólahrepps

Eins og áður hefur komið fram verður er vikan 23.- 30. nóvember nk. helguð fróðleik um ADHD (sem er athyglisbrestur og ofvirkni). Grunnskólinn og Tónskólinn hafa lagt á það ríka áherslu allt starfsfólk og foreldrar eigi þess kost að sitja námskeið um ADHD sem fram fer á fimmtudag og föstudag. Námskeiðið sem er haldið í fjarfundi fimmtudaginn 24. nóvember kl. 13:00-17:00 og framhald verður daginn eftir föstudaginn 25. nóvember frá kl. 10:00-12:00 og frá kl. 13:00-17:00. Því hefur verið tekin ákvörðun um að allt starf í Grunn- og Tónskólanum falli niður frá því að nemendur bekkjardeilda hafa lokið síðustu kennslustund fyrir hádegishlé þessa tvo daga.

Kennslu í 1. - 6. bekk lýkur því klukkan 12:20 báða dagana og kennslu í 7. - 10. bekk lýkur því  klukkan 11:50  báða dagana. Þeir sem eru að nýta þjónustu mötuneytis á Café Riis snæða hádegisverð áður en þeir fara heim. Skólabílar fara frá Grunnskóla kl. 13:00 þessa daga. Öll starfsemi fellur niður og skólahúsnæðið verður lokað frá kl. 13.

Á morgun, þriðjudaginn 22. nóvember, kemur hann Bjarni Jónsson ljósmyndari frá Mynd - Ljósmyndastofu og tekur myndir af nemendum og starfsfólki í Grunnskólanum á Hólmavík. Sú nýbreytni verður á að nú myndar hann hópmyndir af öllum deildum og tekur einstaklingsmyndir af öllum í viðkomandi deildum. Þegar þessu er lokið fara viðkomandi myndir inn á vef ljósmyndastofunnar, með aðgangslykli skólans, þar getur fólk skoðað, valið og pantað. Hverjum og einum er síðan frjálst að kaupa eftir hentugleik. Engin greiðsla fer fram áður og engin innheimta á sér stað í skólanum, eingöngu um leið og pantað er á vefnum. Hópmyndin kostar það sama og undanfarin ár, kr: 2500.- hún er í stærðinni 20x25cm með nöfnum allra sem á myndinni eru. Algengasta myndapöntun er sú sama og var í fyrra og kostar það sama núna kr: 2000.- í henni er innifalið eftirfarandi 1. mynd 13x18cm, 1.mynd 9x12cm og síðan fjórar passamyndir. Vinsamlegast athugið að vefurinn er ljósmyndavefur og öllum sem hafa aðgangsorð skólans opinn. Eftir myndatökuna tekur við vinnsla á myndunum, hún getur tekið tvær vikur, lykill vegna skólans verður sendur öllum þegar myndirnar eru tilbúnar á vefnum.

Dagarnir 23. - 30. nóvember í Grunnskólanum á Hólmavík verða helgaðir fróðleik um ADHD, sem er athyglisbrestur og ofvirkni. Skipulagning stendur yfir og munum við, Hildur Guðjónsdóttir og Jóhanna Hreinsdóttir, annast undirbúninginn í samvinnu við starfsmenn skólans, foreldra og aðra áhugasama. Markmið með verkefninu er að auka fræðslu og skilning okkar á ADHD röskun sem leiðir til betri hegðunar, líðan og viðhorfi allra í samfélaginu. Við viljum byggja upp jákvætt og uppbyggjandi umhverfi fyrir einstaklinga með ADHD þannig að þeir fari út í framtíðina með góða sjálfsmynd sem er forsenda velgengni. Við viljum stuðla að því að því að börnin bíði ekki stöðuga ósigra í daglegu lífi heldur mæti stuðningi og umfram allt skilningi. Við berum öll ábyrgð og getum lagt okkar að mörkum með því að sýna jákvætt viðmót, hrós og viðurkenningu á ADHD.

Í ADHD vikunni ætlum við að reyna að auka vitund og fræðslu um ADHD með því að virkja alla nemendur og starfsfólk Grunnskólans á Hólmavík þannig að allir leggi eitthvað að mörkum til vitundarvikunnar. Við ætlum að vinna með viðfangsefnið á heildstæðan hátt og samþætta það hluta af námi og kennslu skólans í eina viku. Í tilefni af ADHD vikunni stöndum við fyrir námskeiðinu Skólaganga barna með athyglisbrest og ofvirkni, námskeið fyrir kennara og annað starfsfólk grunnskóla. Námskeiðið verður haldið í fjarfundi. Kennslu í 1. - 6. bekk lýkur því klukkan 12:20 á fimmtudag og föstudag og kennslu í 7. - 10. bekk lýkur klukkan 11:50 báða dagana.

Í dag fimmtudaginn 10. nóvember er skipulagsdagur starfsmanna skólans og því frí hjá nemendum. Á skipulagsdeginum verður m.a. fjallað um nemendaverndarráð, fyrirhugaða ADHD-viku skólans, eineltismál, samskipti nemenda, unnið að vitnisburðum nemenda, foreldraviðtöl undirbúin og fleiri fagleg mál.

Á föstudaginn 11. nóvember eru svo foreldraviðtöl í Grunn- og Tónskólanum þar sem foreldrar og forráðamenn fá viðtal með umsjónarkennara og tónlistarkennara barna sinna og fara yfir stöðuna eftir haustönnina, líðan og fleira. Þann dag er frí hjá nemendum.

Nemendur hafa fengið miða með sér heim þar sem fram kemur hvenær hver á að mæta. Einnig hafa upplýsingar um það borist með tölvupósti og eru aðgengilegar hjá riturum skólans í s. 451-3129. Hlökkum til að sjá ykkur.

Krakkar á öllum aldri eru hvattir til þess að vera með í Lestrarviku Arion banka og Disney. Markmiðið er að hvetja krakka til að vera duglegir að lesa skemmtilegar bækur og skólaefni. Ekki skiptir máli hvað er lesið; skáldsögur, teiknimyndasögur, skólabækur, Andrés blöð eða annað skemmtilegt lesefni. Allt telst með. Nöfn þeirra sem skrá lestur sinn fara í pott og í lok vikunnar verða dregnir úr honum yfir 100 þátttakendur sem fá veglegan vinning. Á meðal vinninga er Disney kökubókin, Disney áskriftir og fleira. Við munum líka draga út skemmtilegan vinning daglega á meðan lestrarvikunni stendur og í lok vikunnar verður Lestrarhestur Arion banka valinn. Lestrarhesturinn hlýtur Ipad í verðlaun. Smellið hér til að skrá ykkur!