A A A

Valmynd

Starfsmannastefna

Starfsmannastefna


Við skólann starfi fólk sem af metnaði leggi sig fram um að veita nemendum og foreldrum þeirra  framúrskarandi þjónustu.


Gildi sem höfð eru að leiðarljósi í starfsmannastefnu Grunnskóla Hólmavíkur. Samvinna - framsýni - virðing   

 

Starfsmenn Grunnskólans á Hólmavík er hópur fagmenntaðra og ófaglærðra starfsmanna sem vinnur í sameiningu að því að byggja upp skólastarf sem einkennist af vilja og virðingu, með hag nemenda að leiðarljósi. Þeir starfa undir verkstjórn skólastjóra og eiga í nánu samstarfi sín á milli, við nemendur, foreldra þeirra og aðra sem að skólastarfinu koma. Allir starfsmenn skólans bera mikla ábyrgð á skólastarfinu jafnt undirbúningi, framkvæmd og mati og leggja metnað sinn í að styðja hvert annað í starfi, miðla þekkingu, reynslu og færni og nýta sér þau tækifæri sem gefast til þess að vaxa í starfi.

Framkvæmd starfsmannastefnu Grunnskóla Hólmavíkur:


Að taka vel á móti nýju starfsfólki með því að:

Tryggja að starfs­fólk fái allar nauðsynlegar upplýsingar og kynningu á vinnustaðnum strax sem byggir á móttökuáætlun nýrra starfsmanna.

Ábyrgð: Skólastjóri


Að gera starfsfólki kleift að þróast í starfi með því að:

Tryggja að starfsfólk hafi aðgang að námskeiðum og sveigjanleika til þess að komast á námskeið við hæfi. Sjá nánar í starfsþróunaráætlun.


Að stuðla að því að aðbúnaður, hollustuhættir og öryggi  séu til fyrirmyndar með því að;

Gera skriflega áætlun um öryggi og heilbrigði á vinnustað (skv. lögum um aðbúnað, hollustuhætti og öryggi á vinnustöðum nr. 46/1980) og framfylgi henni

Ábyrgð: Stjórnendur, trúnaðarmenn. Lokið verður við öryggisáætlun verður haustið 2018.


Að undirbúa starfslok vandlega með því að:

Eiga starfslokasamtöl við starfsfólk til að tryggja að starfsþekking haldist innan vinnustaðarins og greina ástæður þess að starfsfólk hættir

Ábyrgð: Skólastjóri


Að ráða hæft og metnaðarfullt starfsfólk með því að:

Auglýsa öll störf nema þegar um er að ræða tímabundnar ráðningar eða tilfærslu í starfi og fara eftir þeim reglum sem gilda um réttindi starfsmanna hverju sinni.

Ábyrgð: Skólastjóri


Að vinna markvisst að jafnrétti kynjanna með því að:

Fara eftir jafnréttisáætlun Grunnskóla Hólmavíkur.

Ábyrgð: Skólastjóri.


Að sjá um að starfsmannasamtöl fari fram á hverju vori

Tryggja tíma í fundaráætlun skólans fyrir starfsmannaviðtöl á hverju vori.

Ábyrgð: Skólastjóri


Almennar skyldur og réttindi starfsmanna

Að kynna nýjan starfsmann fyrir trúnaðarmönnum og halda starfsmanninum eins upplýstum og mögulegt eru um réttindi sín og skyldur samkvæmt móttökuáætlun..

Ábyrgð: Skólastjóri


Eftirfylgni/Aðgerðir

Til að tryggja eftirfylgni með starfsmannastefnunni:

Að kanna reglulega starfsánægju og starfsumhverfi samkvæmt sjálfsmatsáætlun skólans.  


Að endurskoða árlega starfsmannastefnu Grunnskóla Hólmavíkur og bregðast við breytingum.


Viðtalstími kennarar og annars starfsfólks

Viðtalstímar kennara og annars starfsfólks eru eftir samkomulagi. Hægt er að panta viðtalstíma  í síma 451 3430 eða með tölvupósti sem sendur er viðkomandi kennara eða starfsmanni.

Starfsmannaviðtöl

Að hausti eða/vori er samið um kennslumagn hvers kennnara og fyrirkomulag samkennslu.  

Starfsmannaviðtöl fara fram í mars og er gert ráð fyrir þeim í fundaáætlun kennara og starfsmanna. Farið er yfir skjal um starfsþróun í mars.

Að öðru leyti eru starfsmannaviðtöl eftir samkomulagi.

 

Ráðningarsamningar

Gerðir eru ráðningar samningar við allt starfsfólk og skrifað undir í tvíriti. Hver starfsmaður fær annað frumritið og skólinn hitt. Afrit af samningi er varðveitt hjá launafulltrúa. Gengið er frá ráðningarsamningum á starfsdögum í ágúst eða þegar starfsmaður er ráðinn.

 

Vinnuyfirlit

Gert er vinnuyfirlit, skjal fyllt út fyrir allt starfsfólk skólans. Vinnumat kennara og fylgiskjal ráðningarsamnings almennra starfsmanna. Starfsmaður fær annað frumrit og skólinn varðveitir hitt. Gengið er frá þessu á starfsdögum í ágúst eða þegar starfsmaður er ráðinn.

 

Uppfært ágúst 2018

 

Bekkjavefir

Atburđadagatal

« Desember 2018 »
S M Ţ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Nćstu atburđir