Hann Þorsteinn Óli okkar er orðinn fimm ára. Hann fékk afmæliskórónu og var sunginn fyrir hann afmælissöngurinn. Innilega til hamingju með afmælið Þorsteinn Óli!

Hún Sigríður Sól okkar er orðin þriggja ára. Hún fékk afmæliskórónu og var sunginn fyrir hana afmælissöngurinn. Innilega til hamingju með afmælið Sigga Sól !

Í Tröllakoti er Dóra landkönnuður smám saman að birtast á einum veggnum, börnunum til mikillar gleði. Við búum svo vel að hafa listamenn í starfsmannahópnum sem hafa tekið að sér að skreyta leikskólann okkar. Útkoman er framar vonum. :)
Kærar þakkir fyrir þetta framlag elsku Sylvía Rós og Benjamín.

Leikskólinn Lækjarbrekka lokar í dag 6. mars kl. 12:00 vegna veðurs.

Nú er vinnustaðakeppninni í Lífshlaupinu nýlokið fyrir árið 2013. Strandabyggð lenti í 4. sæti sem sveitarfélag, en innan sveitarfélagsins tóku þrír vinnustaðir þátt. Það voru Grunnskólinn á Hólmavík, Þróunarsetrið og Leikskólinn Lækjarbrekka. Innan sveitarfélagsins varð starfsfólk leikskólans í fyrsta sæti, Þróunarsetrið í öðru og Grunnskólinn á Hólmavík í því þriðja. Leikskólinn varð í 85.sæti vinnustaða með sama starfsmannafjölda af 165 sem tóku þátt.

Eyþór okkar er orðinn tveggja ára. Hann fékk afmæliskórónu og var sunginn fyrir hann afmælissöngurinn. Innilega til hamingju með afmælið Eyþór!

Í dag hefur verið mikið um að vera hjá okkur á Lækjarbrekku. Börn og starfsfólk kom ýmist á náttfötum eða í grímubúningum í leikskólann. Haldið var ball og dönsuðu bæði stórir og smáir auk þess sem að kötturinn var sleginn úr tunnunni.
Einnig höfum við verið svo heppin að fá í heimsókn til okkar alls konar syngjandi furðuverur!!

Í dag er bolludagur og eru bollur á borðum hjá flestum landsmönnum. Við á Lækjarbrekku tökum fullan þátt í því og höfum staðið okkur vel í bolluáti það sem af er degi. Í ávaxtastundinni fengu allir vatnsdeigsbollur með rjóma og í hádegismatinn voru fiskibollur.
Gleðilegan bolludag!!!

Hann Guðbrandur Snær á afmæli á morgun laugardaginn 9.febrúar. Í dag fékk hann kórónu og við sungum fyrir hann afmælissönginn. Til hamingju með afmælið Guðbrandur Snær :o)

Í tilefni af degi leikskólans miðvikudaginn 6. febrúar verður opið hús í leikskólanum Lækjarbrekku frá kl. 9:00-11:00 og 14:00-16:00.
Við viljum vekja sérstaka athygli á því að frá kl. 10:00-11:00 eru börn fædd 2009 og 2010 í hreyfistund í íþróttahúsinu.
Allir sem áhuga hafa á að koma og skoða skólann okkar og starfsemina sem þar fer fram eru velkomnir í heimsókn.
Hlökkum til að sjá ykkur!

Kveðja
Börn og starfsfólk Lækjarbrekku