Lubbavísur

Lubbavísur Aa Aa

Lag: Í skóginum stóð kofi einn

 A,a,a, hvað amma er góð,
afi er líka gæðablóð.
Afi sesgir a, a, a,
amma svarar: Ha?

Amma segir: Alli minn,
Alli, þú ert besta skinn.
Alli segir, a, a, a,
amma svarar: Tja.

 

 Lubbavísur Mm, Mm
Lag:  Þumarfingur, þumalfingur hvar ert þú

Músin mjúka
má hún fá
í magann sinn
meiri ost, meiri ost?
m, m, m, m, m, m.

Músin maular
mjúkan ostinn.
Má ég fá
mjúkan ost, músarost
m, m, m, m, m, m.

Lubbavísur Bb, Bb
Lag: Inn og út um gluggann

 

Blása sápukúlur,

blása sápukúlur.

Blása, mása og blása

b, b, b, b, b.

Sjá þær úti svífa

sjá þær hærra klífa.

Blása, mása og blása

b, b, b, b, b.

Lubbavísur N n N n
Lag: Ríðum heim til hóla

Nudda á sér nefið
n, n, n, mig kitlar svo.
N, n, n, n, nebbanudd,

núna lagar kvefið.

Nefið er með nasir,
nös og nös, þær eru tvær.
Spegilinn ég næ í nú,
nefið við mér blasir.


Lubbavísur D d D d
Lag: Krummi svaf í klettagjá

 

 Úti drjúpa droparnir,
detta og sletta soparnir,
heyrist í þeim d, d, d,
Þeir detta, sletta og skvetta.

Edda og Kiddi dansa dátt
D, d, d þau kalla hátt
þegar þau heyra þetta
já heyra dropa detta

 

 

 

Lubbavísur Í í Í í    Ý ý Ý ý                               

Lag: Fljúga hvítu fiðrildin

 

Íris kallar í, í, í,

í hvað þetta er gaman.

Ívar botnar ekkert í,

í öllu þessu saman.

 

 

Lubbavísur Ú ú Ú ú
Lag: yfir kaldan eyðisand

Úlla hrópar ú, ú ú,
Ú er skráð á spjöldin.
Uglan segir ú-hú-hú
Úti seint á kvöldin

Lubbavísur V v V v

Lag: inn og út um gluggann

 

 

Viltu hlusta á vindinn

varla er hann neitt fyndinn.

Vindurinn að vestan

v, v, v, v, v.

Úti er vonsku veður,

veðrið engan gleður.

Úti væla vofur:

vú, vú, vú, vú, vá.

 

 

 

 

 

Lubbavísur J,j J, j

Lag: Í skóginum stóð kofi einn

 

Jeppinn fór á jökulinn,

Jórunn hún var bílstjórinn,

j, j, spólar jeppinn þar,

í jökli fastur var.

 

Jeppinn uppi á jökli sat,

j, j, spólar á sig gat.

Jórunn onaf jökli gekk,

jeppann vantar dekk.


Lubbavísur, H, h, H, h
Lag: göngum göngum

Hott, hott á hesti,
hesturinn minn besti,
hlauptu og stökktu h, h, h.

 

 Blesi og Skjóna
reka upp hrossahlátur:
Ho, ho, hah, hah, h, h, h

Lubbavísur: E, e, E, e

Lag: Klappa saman lófunum

 

Edda hugsar e, e, e,

E, e, e, ég held ég sé

Ekki best í þessu,

Ég er með flest í klessu

 

Lubbavísur U, u, U, u

Lag: Fljúga hvítu fiðrildin

 

Ef þú ferð að ulla á mig,

U, u, ljóti Tóti.

U, u, u ég ulla á þig,

Ég ulla bara á móti.

 

 

Lubbavísur L, l, L, l

Lag: ríðum heim til Hóla

 

 

Lubbi er að lita,

loftið blátt og gula sól,

lögguhúfu, lamb og stól,

l, l, l, l lita

 

 

Litar hann og litar

litar grænt og rautt og blátt,

litar dökkt og ljóst og grátt

l, l, l, l litar.


Lubbavísur G, g, G, g

Lag: Þumalfingur

 

Hænan segir gagga gagg,

Í gogginn fær

grjónagraut, grjónagraut

g, g, g, g, g, g, g.

 

Haninn segir gaggalagó

og galar hátt:

gefðu mér, gefðu mér
g, g, g, g, g, g, g.

Lubbavísur F f F f
Lag: Kisa mín


Fiðrildi, fiðrildi
flögrar úti í haga
f, f, f- f, f, f
flýgur alla daga.

Fiðrildi, fiðrildi, 
fýkur úti í vindi.
f, f, f - f, f, f
flýgur heim í skyndi.

Lubbavísur S s S s
lag: fljúga hvítu fiðrildin

Sunna litla uss, uss, uss
ekki þessi læti
s, s, s, s, sussu suss
sýndu minni kæti

Ef þú getur ekki hætt
allir sveia og fussa
reyndu nú að sofna sætt
s, s ussu sussa

Lubbavísur I i I i Y y Y y
Lag: yfir kaldan eyðisand

Illa hnýtir Indriði
á sig fína bindið
Imba flissar i hi hi
I hi, þetta er fyndið.

 

 

Vefumsjón