Samningar hafa náðst í kjaradeilu tónlistarkennara og launanefndar sveitarfélaganna og er það fagnaðarefni. Tónlistarkennarar mættu til leiks á þriðjudag og hafa unnið að því að skipuleggja kennsluna framundan. Væntanlegar breytingar á desemberdagskrá Tónskólans verða tilkynntar fljótlega en kennsla samkvæmt stundaskrá hefst að loknum þemadögum og vetrarfríi þriðjudaginn 2. desember nk. 

Þemadagar verða 24. - 27. nóvember og standa nú yfir í fjóra daga. Nemendur hafa valið sér tvo hópa og ætla að  starfa í tvo daga í hvorum þeirra. Hóparnir eru: 
Snátar sem verða í listastofu í skólanum, úti og inni. Viðfangsefni: Hnútar –smíði – útieldun – ratleikur – áttaviti- þrautir

Kennarar: Ásta og Kolbrún

Matreiðsla kennd í Félagsheimili. Viðfangsefni: Matreiðsla, bakstur og allt sem því fylgir.

Kennarar: Lára, Ingibjörg og Sigrún María

Dúkkulísugerð í 3.4. bk stofu  í skólanum. Viðfangsefni: Hver og einn býr til sína eigin dúkkulísu og allt sem tilheyrir henni

Kennari: Anna Birna 

Tilraunir í 5.6.7. bk stofu. Viðfangsefni: Gerðar verða ýmiss konar tilraunir. Fylgst er með hvað gerist og það skráð niður. Þessi þemavinna endar með látum!
Kennarar: Hrafnhildur Þ. og Vala
Íþróttir í Íþróttamiðstöð. Viðfangsefni: Fjölbreyttar æfingar í mismunandi íþróttagreinum í íþróttasal, þreksal eða sundlaug.

Kennari: Sverrir

Kennsla hefst klukkan 08:30 og lýkur klukkan 14:00. Skólabíll fer á sama tíma og venjulega 14:30. Skólaskjól starfar samkvæmt sinni stundaskrá.

Hafragrautur verður ekki í boði á þemadögum svo best er að allir komi með gott nesti með sér. Þeir sem eru í matreiðslu fá þó eitthvað að borða.  Matur á Café Riis verður klukkan 12:00 – 13:00. 

Ekki þarf að koma með námsbækur í skólann en gott að hafa tösku eða bakpoka fyrir pennaveski, nesti og íþróttafatnað og handklæði fyrir þá sem fara í íþróttir.

Þemadagar eru tilbreyting og uppbrot á venjulegu skólastarfi. Mætum öll með góða skapið :)

Athugið að ekki verður sérstakur sýningardagur í lok Þemadaga heldur eru foreldrar velkomnir í heimsókn hvenær sem er til að fylgjast með og taka þátt í því sem börnin eru að fást við. Við hlökkum til að sjá ykkur!

Opið hús verður í skólanum miðvikudaginn 19. nóvember klukkan 13:00 - 14:00 en þá ætla nemendur Grunnskólans að sýna afrakstur bókmenntavinnu sinnar. Gestir fá afhentar leiðbeiningar við innganginn. Kakó og piparkökur. Allir eru velkomnir.

Mánudag 17. nóvember er starfsdagur kennara. Nemendur mæta ekki í skólann þann dag.

Nemenda og foreldraviðtöl hafa verið tímasett þriðjudag 18. nóvember. Munið að skrá stöðumat fyrir miðnætti 16. nóvember.

Vikuna 17.- 23. nóvember mun Hólmavík breytast í Bókavík en þá verður haldin Bókmennta-og ljóðavika í Strandabyggð. Vikan er hugmynd nokkurra unglinga og vann til verðlauna í hugmyndasamkeppni Landsbyggðarvina vorið 2014.

Í tilefni af því hafa nemendur og starfsfólk Grunnskólans hafið hvern dag í nóvember með 10 mínútna yndislestri. Að auki er tvenns konar lestrarátak í gangi annars vegar alllirlesa.is sem eldri nemendur taka virkan þátt í og hins vegar lestrarátak Ævars vísindamanns þar sem yngri nemendur lesa af miklu kappi.

Við í skólanum viljum að sjálfsögðu hvetja ykkur öll til að lesa sem mest og bendum á að bókasafnið er opið öllum kl. 19:30 - 20:30 dagana 17. -21. nóvember.

Opið hús verður í skólanum miðvikudaginn 19. nóvember klukkan 13:00 - 14:00 en þá ætla nemendur að sýna afrakstur bókmenntavinnu sinnar. Allir eru velkomnir.

Andri Snær Magnason rithöfundur heimsækir skólann að morgni föstudags 21. nóvember.

Margt fleira verður um að vera og við hvetjum ykkur til að kíkja endilega á dagskrána http://www.strandabyggd.is/…/Dagskra_Bokmennta-og_ljodavik…/ Það þarf engum að leiðast þessa vikuna.

Foreldrar barna eru ávallt velkomnir í skólann og til að árétta það verður sérstakt foreldraboð í skólanum þriðjudaginn 28. október í fyrstu tveimur kennslustundum barnanna klukkan 08:30 - 9:50. Að því loknu eru frímínútur 9:50 - 10:20 og þá er hægt að fá sér hafragraut í glasi (eða kaffi), fara út og prófa aparóluna, fara í fótbolta á sparkvellinum eða spjalla við kennara og annað starfsfólk. 

 

Athugið að það er velkomið að vera með alveg frá byrjun og til enda en það er líka hægt að mæta seinna og það er frjálst að fara á milli bekkja og tíma. Sumir eiga fleiri en eitt barn.

 

Eftirtaldar kennslustundir eru á stundaskránni:

10. bekkur - Danska/ Listir

8. og 9. bekkur - Danska/ Íslenska

7. bekkur - Lesstund/Stærðfræði

6. bekkur - Röklist/Stærðfræði

5. bekkur - Lesstund/ Stærðfræði

3. - 4. bekkur - Íslenska

1. - 2. bekkur - Íslenska

 

Við hlökkum til að sjá ykkur í skólanum!

 

 

MND félagið á Íslandi hefur með stuðningi Velferðar-, Umhverfis- og auðlindaráðuneytis hrint af stað verkefninu Aðgengi að lífinu sem er ætlað 10. bekkingum á landsvísu.

Verkefnið er liðakeppni sem felur í sér könnun á aðgengismálum hreyfihamlaðra í nærumhverfi ungmennanna.

Tilgangur verkefnisins er eftirfarandi:

1. Að efla skilning ungmenna á aðstæðum hreyfihamlaðra

2. Að stuðla að bættu aðgengi hreyfihamlaðra með lausnum ungs fólks

3. Að skapa jafnréttisgrundvöll á milli hreyfihamlaðra og óhreyfihamlaðra

Tilgangur verkefnisins er að vekja ungmenni til umhugsunar um hindranir í umhverfi sínu og að þau verði eins konar sendiherrar aðgengis í framtíðinni.

Guðjón Sigurðsson formaður MND félagsins og Arnar Helgi Lárusson formaður Samtaka endurhæfðra mænuskaddaðra og atvinnumaður í hjólastólaakstri heimsóttu Grunnskólann á Hólmavík 7. október sl. og kynntu verkefnið og aðstæður hreyfihamlaðra.

Verkefnið fór þannig fram að hópnum var afhentur hjólastóll í 1 sólarhring til þess að greina hindranir í nærumhverfi sínu, t.d. að komast í tómstundastarf, fara í verslanir, komast á bókasafn og svo framvegis.

Í lok nóvember verða veitt vegleg verðlaun fyrir bestu lausnirnar og bestu samantektina auk þess sem verkefnin í 2. og 3. sæti fá verðlaun.

Hér má sjá skilaverkefni nemenda okkar í 10. bekk: 

https://www.youtube.com/watch?v=_EpbuRC94B8&list=UUUXxz5O0-nEgRu9EDvWpq2A

Því miður lítur út fyrir að boðað verkfall tónlistarkennara hefjist á morgun 22. október. Það þýðir að engin kennsla verður í Tónskólanum á meðan á því stendur en vonandi nást samningar fyrr en varir.

Grunnskólinn á Hólmavík hefur fengið eftirfarandi bréf vegna gosmengunar og loftgæða. Kynnið ykkur endilega þær slóðir sem bent er á í leiðbeiningunum.

Leiðbeiningar fyrir leik- og grunnskóla

 

Almannavarnir, Umhverfisstofnun, Samband íslenskra sveitarfélaga og Sóttvarnalæknir hafa fengið nokkuð af fyrirspurnum frá leik- og grunnskólum um hvar upplýsingar megi finna varðandi gosmengunina. Almannavarnir gefa út tilkynningar þegar háir mengunartoppar ganga yfir og nauðsynlegt er að fólk haldi sig inni og loki gluggum. Athugið að mengunartoppar ganga jafnan hratt fyrir. Það breytir ekki því að gosmengun getur legið í loftinu í lægri styrk og við höfum því hvatt fólk til að treysta á eigin skynfæri og skynsemi. Ef fullorðnir finna fyrir einkennum og óþægindum og líður betur inni gildir það sama um börnin. Engin ástæða er til að ætla að SO₂ mengun sé hættilegri börnum en fullorðnum, að mati Sóttvarnalæknis.       

Á heimasíðum Umhverfisstofnunar og embættis Landlæknis er sérstakur borði merktur gosmenguninni og þar má nálgast allar almennar upplýsingar. Þar er til dæmis gagnlegt að skoða töfluna sem sýnir rétt viðbrögð við SO₂ mengun. Hún útlistar viðbrögð eftir styrk mengunar og eftir því hvort um heilbrigt fólk sé að ræða eða fólk sem er viðkvæmt. SO₂ taflan er aðgengileg hér: http://www.ust.is/einstaklingar/loftgaedi/so2/

Daglegar spár um dreifingu mengunarinnar og loftgæðin má nálgast á vef Veðurstofunnará slóðinni http://www.vedur.is/vedur/spar/textaspar/oskufok/ og styrkur mengunarinnar er mældur og miðlað á vefsíðunni www.loftgæði.is. Þar má sjá punkta og þegar smellt er á þá má sjá mælingu mengunarinnar á þessum stöðum. Ekki eru allir mælar á landinu nettengdir með þessum hætti en virkni þeirra tryggir að viðvaranir eru gefnar út þegar mengunartoppar ganga yfir. Fjölmiðlar gegna veigumiklu hlutverki við miðlum upplýsinga til almennings og því er nauðsynlegt að fylgjast grannt með þeim og fylgja leiðbeiningum almannavarna sem þar koma fram.

 

Reykjavík, október 2014.

Almannavarnadeild ríkislögreglustjóra

Umhverfisstofnun

Samband íslenskra sveitarfélaga

Sóttvarnalæknir

Minnum á viðtalstíma fræðslustjóra Guðjóns Ólafssonar, 16. október, klukkan 13:00 - 14:00 eins og fram kemur í áður útsendu bréfi til foreldra.