Reglur fyrir leikskóla 3. - 17. nóvember.

Hrafnhildur Guđbjörnsdóttir | 02. nóvember 2020

Reglugerð um takmörkun í skólastarfi vegna farsóttar hefur verið birt. 
https://www.stjornartidindi.is/Advert.aspx...

Í samræmi við reglugerðina förum við fram á að foreldrar beri grímu þegar þeir koma börnin í leikskólann. Spritta þarf hendur við dyr, kveðja börn í fataklefa og halda skal tveggja metra fjarlægð við starfsfólk og aðra fullorðna. Við biðjum ykkur að sýna tillitsemi og bíða ef margir mæta á sama tíma. Sækið börnin á útisvæði eins og áður, notið grímu og haldið tveggja metra fjarlægðarmörk.
Leikskólabörn eru undanþegin grímunotkun og tveggja metra reglu og þau mega vera 50 saman á svæði. Starfsfólk er ekki fleira en 10 manns í húsi á hverjum tíma en þarf að gæta að tveggja metra reglu við hvert annað og nota grímu gangi fjarlægðarmörkin ekki. 
Starfsfólk leikskólans sér um reglulega sótthreinsun og þrif og börnin eru dugleg að þvo sér. Starfsmaður í eldhúsi notar grímu og aðrir sem koma að starfinu þar á meðal skólastjóri og kennarar sameiginlegs skóla. 
Það er ekki mikil munur á reglugerðinni og því sem leikskólinn hefur verið að gera í haust. Gangi ykkur öllum vel.
 

Breytingar á skólastarfi

Hrafnhildur Guđbjörnsdóttir | 30. október 2020

Á upplýsingafundi stjórnvalda 30.10.2020 kom fram að breytingar verða á skólastarfi. Reglugerð verður unnin um helgina í samstarfi menntamálaráðherra og heilbrigðisráðherra. Nánari upplýsingar verða kynntar um leið og þær liggja fyrir.  

Reglur Covid19-október 2020

Hrafnhildur Guđbjörnsdóttir | 08. október 2020
Eftirfarandi takmarkanir v. Covid 19 eru í gildi skv. reglugerð:
Til foreldra og aðstandenda í Leikskólanum Lækjarbrekku
Að morgni.
1. Sprittið hendur í forstofu áður en þið takið í hurðarhúna og fylgja börnunum í fataklefann og kveðjið þau þar.
2. Gætið að fjarlægðarmörkum (1 metri) við aðra foreldra og starfsfólk. Bíðið ef margir koma á sama tíma
3. Gangið ekki í gegnum starfsmannaálmu og ekki í gegnum leikskólann frá fataklefa að útisvæði.
Síðdegis.
1. Sækið börn á útisvæði. Ef þau eru inni sprittið hendur í forstofu og sækið börn í fataklefa.
2. Gætið að fjarlægðarmörkum (1 metri) við aðra foreldra og starfsfólk. Bíðið ef margir koma á sama tíma.
3. Gangið ekki í gegnum starfsmannaálmu og ekki í gegnum leikskólann frá fataklefa að útisvæði.
Sendið börnin ekki í leikskólann hafi þau flensulík einkenni. Við erum öll almannavarnir.


 

 

 

Afmćli

Leikskólinn Lćkjarbrekka | 06. október 2020
Á laugardaginn 3. október átti Omar Elías 4 ára afmæli og í gær mánudaginn 5. október átti Kolfinna Vísa 5 ára afmæli.

Við héldum upp á afmæli þeirra í gær mánudag. Þau fengu  fína kórónu, afmælissöng og ávaxtaveislu.

Innilegar hamingjuóskir með afmælin ykkar  elsku Omar Elías og Kolfinna Vísa okkar!

Náttúrfrćđi

Leikskólinn Lćkjarbrekka | 15. september 2020
« 1 af 2 »
Í gær voru börnin á Dvergakoti ótrúlega heppin þegar að einn nemandinn kom með lifandi marhnút með sér í skólann. Peyinn stutti hafði fengið að veiða um morgunninn með fjölskyldu sinni og beit þessi marhnútur á agnið. Drengurinn var að sjálfsögðu ánægður með aflann og vildi sýna samnemendum sínum fiskinn. Ég er svei mér þá ekki viss hvort börnin eða starfsfólkið þótti þetta meira spennandi. En þetta var virkilega skemmtileg upplifun fyrir alla.

Afmćli

Leikskólinn Lćkjarbrekka | 15. september 2020
Hún Vordís Nótt varð 5 ára í gær 14. september. Hún hélt upp á afmælið sitt í leikskólanum og fékk fína kórónu, afmælissöng og ávaxtaveislu. Innilegar hamingjuóskir með afmælið þitt elsku Vordís Nótt okkar.

Afmćli

Leikskólinn Lćkjarbrekka | 15. september 2020
Hann Jón Óliver varð 2 ára sunnudaginn 13. september.
Haldið var upp á afmælið hans í leikskólanum og fékk hann kórónu, afmælissöng og ávaxtapartý.
Innilegar hamingjuóskir með afmælið þitt hjartans Jón Óliver okkar.

Afmćli

Leikskólinn Lćkjarbrekka | 10. september 2020
Hann Benjamín Máni á 5 ára afmæli í dag. Hann fékk kórónu  og allir í leikskólanum sungu fyrir hann afmælissönginn. Hann bauð upp á melónur, ananas og epli.
Innilegar hamingjuóskir með afmælisdaginn þinn elsku Benjamín Máni okkar.

Afmćli

Leikskólinn Lćkjarbrekka | 02. september 2020
« 1 af 4 »
Í sumarfríinu voru tvö börn sem áttu afmæli það voru þau Ási Þór sem varð 4 ára þann 29. júlí og Eydís Lilja sem varð 5 ára þann 11. ágúst.

Mjölnir Bjarmi varð 2 ára þann 19.ágúst og Katrín Jana varð 3 ára þann 31. ágúst.

Haldið var uppá afmæli barnanna hér í leikskólanum og fengu þau öll kórónu og kórsöng frá börnum og starfsfólki í tilefni dagsins.

Elsku hjartans Ási Þór, Eydís Lilja, Mjölnir Bjarmi og Katrín Jana okkar, Innilegar hamingjuóskir með afmælin ykkar.

4. maí 2020

Hrafnhildur Guđbjörnsdóttir | 22. apríl 2020

Takmarkanir á fjölda nemenda í leik- og grunnskólum falla alveg niður 4. maí og einnig fjöldatakmarkanir við íþróttaiðkun og æskulýðsstarf barna á leik- og grunnskólaaldri. Fjöldamörk samkomubanns hækka á sama tíma úr 20 í 50 manns.

Þetta þýðir að reglur um fjöldatakmörk og um tveggja metra nálægðarmörk munu frá 4. maí ekki eiga við um nemendur í starfi leik- og grunnskóla. Þannig verður því unnt að halda óskertri kennslu og vistun barna. 
Sundkennsla og skólaíþróttir innanhúss og utan verða heimil og 5 ára nemendur komast í kennslu í grunnskólanum samkvæmt móttökuáætlun sem verður yfirfarin og kynnt fyrir 4. maí.
Tónlistarkennsla og íþróttaæfingar hefjast og Frístund og Félagsmiðstöð opna aftur.

Fullorðnir í skólaumhverfinu, starfsfólk og foreldrar munu þurfa að gæta sín aðeins lengur og þurfa áfram að halda fjöldatakmörk (50 manns) og fjarlægðarmörk (2 metra) eins og mögulegt er.

Áform stjórnvalda um tilslakanir á takmörkunum á samkomum og skólahaldi voru kynn á fréttamannafundi 14. apríl sl. og hafa nú verið útfærð nákvæmlega.
https://www.stjornarradid.is/efst-a-baugi/frettir/stok-frett/2020/04/21/Breyttar-reglur-um-takmarkanir-a-samkomum-fra-4.-mai/

https://www.stjornarradid.is/efst-a-baugi/frettir/stok-frett/2020/04/21/Skola-fristunda-og-ithrottastarf-barna-og-ungmenna-eftir-4.-mai-/

https://www.stjornarradid.is/verkefni/menntamal/spurt-og-svarad-skolastarf-a-neydarstigi-almannavarna/



Eldri fćrslur
Vefumsjón