Kennsla hófst að loknu jólafríi þriðjudaginn 7. janúar. Nemendur fóru strax að huga að starfskynningu sem verður í lok janúar og skiluðu allir inn nöfnum á fyrirtækjum sem þeir hafa áhuga á að heimsækja. 
Á föstudaginn kynntu Ásta og Eiríkur þær hugmyndir sem komu fram hjá nemendum 8.-10. bekkjar í verkefninu Landsbyggðarvinir. Fjögur verkefni voru send til áfamhaldandi þátttöku og voru þrjú þeirra gerð af nemendum í 10. bekk, þeim Branddísi, Kristínu og Sunnevu. Það verður spennandi að sjá hvernig þeim gengur í framhaldinu en það mun skýrast nk. laugardag.