A A A

Valmynd

Píanóstillingar

| 23. september 2010
Davíð Ólafsson píanóstillir verður á Hólmavík dagana 23. og 24. september nk. Þeir sem vilja nýta þjónustu hans er bent á að hafa samband við Stefán Steinar tónlistarkennara við Grunnskólann á Hólmavík í s. 451-3129 eða 895-3939 sem fyrst.

Grunnskólinn á Hólmavík tekur ţátt í skólatöskudögum

| 21. september 2010

Hinir árlegu skólatöskudagar Iðjuþjálfafélags Íslands eru haldnir 20.-24. september í ár. Grunnskólinn á Hólmavík tók þátt í verkefninu í fyrsta sinn í fyrra og fór Jóhanna Hreinsdóttir í alla bekki skólans. Í ár fer hún aðeins í 1.-4. bekk því vert er að skoða hvort breyting á heimanámstilhögun valdi því að börnin beri of þungar töskur. Ef foreldrar eða aðrir nemendur skólans hafa áhuga á að fá upplýsingar um rétta notkun skólatöskunnar og vigtun á töskunum er hægt að hafa samband við Jóhönnu þessa viku. 


Markmið skólatöskudaga er að vekja nemendur, foreldra og samfélagið í heild til umhugsunar um áhrif rangrar notkunar skólatöskunnar á líkamlega heilsu barna og ungmenna. Skólataskan gegnir stóru hlutverki í lífi nemenda því þeir bera hana í um 180 daga á ári,  að lágmarki í 10 ár. Að kaupa góða tösku handa barninu er ekki nóg ef notkun hennar er ekki rétt.


Fyrsti til fjórði bekkur í Grunnskólanum á Hólmavík kom ágætlega út og megum við vera stolt af því. Tæp 17% prósent barna í þessum bekkjum bera of þungar töskur en skólataskan má ekki vera meira en 10% af líkamsþyngd barnanna. Þó nokkur börn báru töskur sem voru 9-10 % af líkamsþyngd þeirra og þarf því að gæta vel að því að þau séu ekki að bera óþarfa hluti í skólann. Hvet ég foreldra til þess að aðstoða börnin sín og leiðbeina hvað sé nauðsynlegt að hafa með í skólann og hvað ekki. Einnig hvet ég foreldra barna í 1.-4. bekk að taka heimanámsgöng upp úr töskunum svo börnin séu ekki að bera allt heimanámið í töskunum alla vikuna.


Foreldrar eru hvattir til þess að taka virkan þátt í þessu verkefni og leiðbeina börnunum um rétta notkun skólatöskunnar því heilsa barnanna er okkur öllum mikilvæg.

Bestu kveðjur,
Jóhanna Hreinsdóttir iðjuþjálfi.

Ţriđja vika skólaársins

| 14. september 2010

Þriðja vika skólaársins gekk vel og var skólastarfið brotið upp með margvíslegum hætti. Nemendur fóru í vettvangsferðir innan Hólmavíkur og utan, matreiddu ýmsa góða og girnilega rétti í heimilisfræði með umsjónarkennurum, tíndu blóm og fóru í fjöruferðir svo fátt eitt sé nefnt. Á föstudaginn var frí hjá nemendum en þá var starfsdagur hjá kennurum og starfsfólk skólans. Starfsdagurinn var nýttur til uppbyggingar og vinnu hér í skólanum, þátttöku á haustþingi kennara á Núpi í Dýrafirði og þátttöku á haustfundi Félags tónlistarkennara á Ísafirði. Við hvetjum alla til að skoða bekkjavefina hér til hægri og skólamyndir hér á vinstri hönd.

Við vekjum athygli á námsefniskynningum skólans í þessari viku og í byrjun næstu viku sem verða eins og hér segir:

Miðvikudagur 15. september 2010
5. og 6. bekkur, kynning kl. 19:00-19:45
Kaffihlé
7. bekkur, kynning kl. 20:00-20:45

Fimmtudagur 16. september 2010
8. og 9. bekkur, kynning kl. 19:00-19:45
Kaffihlé
10. bekkur, kynning kl. 20:00-20:45

Mánudagurinn 20. september 2010
1. og 2. bekkur, kynning kl. 19:00-19:45
Kaffihlé
3. og 4. bekkur, kynning kl. 20:00-20:45

Hlökkum til að sjá sem flesta :)

Önnur vika skólaársins

| 06. september 2010

Þá er annarri kennsluviku skólaársins að ljúka. Strax á mánudag bárust fréttir af hitabylgju sem átti  að skella á landinu. Sannast sagna stóðst þetta allt og hitinn hefur verið talsvert mikill og þá ekki síst innandyra. Þetta hvatti til kennslu utandyra sem fellur yfirleitt vel í kramið hjá nemendum, sérstaklega þeim yngri.


Tónskólinn er kominn vel af stað. Eins og alltaf gerist í upphafi er eitthvað um árekstra þar sem nemendur og kennarar þurfa saman að finna lausnir og nýja tíma. Minnsta breyting getur valdið miklum tilfæringum hjá kennurum Tónskólans sem leysa þetta vel af hendi með bros á vör.


Nemendur í 8. - 10. bekk hafa verið að skila valblöðum og er allt val að fara af stað. Nemendur skiptast nokkuð jafnt niður á valgreinarnar þar sem 10 ætla að leggja fyrir sig listir, 13 hestamennsku og 12 þýsku. Fjórða valgreinin er svo tónlist sem  8 nemendur ætla að stunda í vetur sem valgrein.


Heimasíðan hefur tekið miklum framförum í vikunni og hafa margir haft samband við skólann og líst yfir ánægju sinni með vefinn. Á síðunni hafa verið að bætast við upplýsingar frá einstaka fagkennurum og umsjónarkennarar hafa einnig sett inn fréttir og myndir. Myndir frá skólastarfinu hjá 3. og 4. bekk og ferð nemenda í 9. og 10. bekk til Danmerkur eru komnar inn og er virkilega gaman að skoða þær.

Skráningar í matinn hjá Café Riis er með eindæmum góð og nú er talan komin á sjöunda tug þrjá daga vikunnar. Maturinn nú þykir bæði fjölbreyttur og ljúffengur sem skiptir miklu máli þegar þröngt er á þingi.


Enn bætist við starfsemina í skólanum þegar félagsmiðstöðin Ozon hefur starfsemi sína í næstu viku. Fyrsta vikan verður notuð til að kynna starfið fyrir krökkunum og kjósa í nemendaráð yngri og eldri nemenda. Yngri, 5. - 7. bekkur mun hittast á þriðjudagskvöldið klukkan 19:30 og eldri hópurinn 8. - 10. bekkur á miðvikudagskvöldið klukkan 20:00.


Í heildina hefur vikan gengið vel og það er gaman að sjá svona marga broshýra og glaðlynda nemendur og starfsmenn.


Minnum á starfsdaginn á föstudaginn 10. september!
 

Bjarni Ómar og Hildur 

Fyrsta vika skólaársins gekk vel.

| 27. ágúst 2010
Nú er að ljúka fyrstu viku skólastarfsins á þessu fallega hausti. Flestir þættir eru komnir vel af stað og skólastarfið að komast í fastar skorður. Það var mjög ánægjulegt að sjá nemendur okkar aftur sem koma inn, full af áhuga, krafti og lífsgleði. Við söknuðum unglinganna okkar en þau vantar enn í skólann þar sem þau eru í Danmörku og koma heim á laugardagskvöld. Við höfum heyrt frá þeim og hefur ferðin gengið mjög vel fram að þessu. Hápunktur ferðarinnar fyrir marga er í kvöld þegar Tívólíð í Kaupmannahöfn verður heimsótt.


Mötuneytið, heimanámið og Skólaskólið er komið af stað. Café Riis sér um eldun og framreiðslu í mötuneyti, Vala og Inga Emils sjá um heimanámið og Óskaþrifsdömur halda áfram með Skólaskjólið en þær koma til okkar kl. 13 og aðstoða í heimanáminu fyrsta klukkutímann. September-matseðilinn frá Café Riis má sjá hér til vinstri.

Tónskólinn mun hefjast á fullu í næstu viku. Tónlistarkennarar hafa verið að setja saman stundaskrár sínar í samráði við umsjónarkennara og aðra sem þurfa að koma að skipulaginu. Það er að mörgu að huga í þessum efnum og hafa starfsmenn leitast við að hafa samráð til þess að láta tónlistartímana rekast sem minnst á önnur mikilvæg verkefni nemenda eða raska kennslu og námi. Næsta vika fer að einhverju leyti í að aðlaga starfsemi Tónskólans að starfinu í Grunnskólanum. Tónlistarkennarar hitta nemendur sína og dreifa miðum heim sem sýna hvenær tónlistartímarnir eru.

 

Stuðningskerfið og sérkennslan hefur fengið mikla athygli okkar stjórnenda núna í upphafi. Þetta er málaflokkur sem hefur verið í þróun undanfarin ár og er sífellt að styrkjast. Í samráði við þá aðila sem koma að sérkennslunni núna er verið að endurskipuleggja og treysta þjónustuna enn frekar með hagsmuni nemenda, foreldra og kennara að leiðarljósi. Segja má að til sé að verða sérkennsluteymi sem er samhuga um að bæta þjónustuna og tryggja gæði hennar enn frekar.

Heimasíðan okkar er að byggjast upp og taka á sig mynd. Hún er þó enn í vinnslu og eru allar ábendingar og athugasemdir vel þegnar.

 
Við minnum nemendur og foreldra sem eiga eftir að skila inn eyðublöðum að gera það við fyrsta tækifæri.

Góðar kveðjur,
Bjarni Ómar og Hildur.            


 

           

Ryţmískt hljóđfćrapróf

| 13. júlí 2010
Anna Lena Victorsdóttir 16 ára Hólmavíkurmær hefur lokið grunnprófi í rafbassaleik frá Tónskólanum á Hólmavík. Prófið tók Anna í húsnæði tónlistarskóla Félags íslenskra hljómlistarmanna þann 10. júní s.l. og var það hinn þekkti bassaleikari Gunnar Hrafnsson sem prófdæmdi. Anna Lena er fyrst nemenda Tónskólans á Hólmavík sem lýkur námi samkvæmt nýrri ryþmískri námsskrá en nemendum íslenskra tónlistarskóla stóð í fyrsta sinn til boða að taka ryþmískt hljóðfærapróf samkvæmt íslenskum viðmiðum í maí 2010.

Bjarni Ómar Haraldsson, skólastjóri Grunn - og Tónskólans á Hólmavík afhenti Önnu Lenu prófskírteini þessu til staðfestingar frá prófanefnd tónlistarskóla í dag 12. júlí. Þess hefur lengi verið beðið við Tónskólann á Hólmavík að nemendur geti þreytt áfangapróf í ryþmísku hljóðfæranámi enda byggir skólinn starfsemi sína að stórum hluta á hugmyndafræði ryþmatónlistar. Sjötíu nemendur Grunnskólans hafa þegar skráð sig í tónlistarnám á haustönn 2010 og hafa þeir aldrei verið fleiri.

Síđa 48 af 48
Eldri fćrslur

Bekkjavefir

Atburđadagatal

« Apríl 2020 »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Nćstu atburđir