A A A

Valmynd

Viđ tökum ţátt í Baráttudegi gegn einelti!

| 02. nóvember 2012
Fimmtudagurinn 8. nóvember nk. er baráttudagur gegn einelti hér á landi. Við í Grunnskólanum á Hólmavík erum staðráðin í að taka virkan þátt í þessum góða degi og í undirbúningi er dagskrá fyrir alla nemendur og starfsfólk skólans sem verður betur kynnt í næstu viku. Meðal þess sem verður gert er að skrifa undir þjóðarsáttmála gegn einelti á heimasíðunni gegneinelti.is. Á þessum degi er þjóðin hvött til að standa saman gegn einelti í samfélaginu; samtök og vinnustaðir eru hvattir til að beina sjónum að jákvæðum samskiptum, jákvæðum skólabrag og góðum starfsanda.


Þjóðarsáttmáli gegn einelti
„Við undirrituð skuldbindum okkur til þess að vinna af alefli og einurð gegn einelti í samfélagi okkar. Við munum standa vörð um rétt fólks til þess að lifa í sátt og samlyndi við umhverfi sitt. Við munum sérstaklega gæta réttar barna og ungmenna sem og einnig allra hópa sem ekki eiga sér málsvara eða sterka rödd. Við munum öll hvert á okkar sviði, skuldbinda okkur til þess að hafa áhrif til góðs á nánasta umhverfi okkar. Við ætlum að vera góð fyrirmynd og leggja okkar af mörkum til þess að vinna bug á því samfélagslega böli sem einelti er."

Bekkjavefir

Atburđadagatal

« Ágúst 2017 »
S M Ţ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Nćstu atburđir