A A A

Valmynd

Una Gíslrún, fulltrúi Tónskólans á Nótunni 2012.

| 07. mars 2012
Una Gíslrún Kristinsdóttir Schram. Mynd úr einkasafni Unu.
Una Gíslrún Kristinsdóttir Schram. Mynd úr einkasafni Unu.

Laugardaginn 10. mars mun Una Gíslrún Kristinsdóttir Schram vera fulltrúi Tónskólans á Hólmavík á Nótunni - uppskeruhátíð tónlistarskóla fyrir Vesturland, Vestfirði og V-Húnavatnssýslu. Hátíðin er nú haldin í þriðja sinn en í fyrsta sinn var svæðishátíðin haldin hér á Hólmavík. Uppskeruhátíðin er hugsuð sem ný vídd í starfsemi tónlistarskóla og er markmiðið að auka sýnileika og styrkja tengsl tónlistarskóla við umhverfi sitt. Uppskeruhátíðin er þrískipt og skipulögð þannig að þátttakendur frá öllu landinu, á öllum aldri, búa til efnisdagskrá sem endurspeglar ólík viðfangsefni tónlistarnemenda á öllum stigum tónlistarnáms. Una Gíslrún mun fara á Nótuna ásamt fjölskyldu sinni en í ár er hátíðin haldin í Tónlistarskólanum á Akranesi. Una, sem er nemandi hjá Borgari Þórarinssyni tónlistarkennara við skólann, ætlar að flytja lagið Someone like you eftir söngkonuna Adele en Una syngur og spilar sjálf undir á píanó. Við erum afar stolt af okkar fulltrúa á hátíðinni og óskum Unu og fjölskyldu góðrar ferðar á Nótuna.

 

Bekkjavefir

Atburđadagatal

« Ágúst 2017 »
S M Ţ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Nćstu atburđir