Fimmtudaginn 15. desember eru Litlu jól Grunnskólans á Hólmavík haldin hátíðleg í Félagsheimilinu kl. 14:00. Nemendur koma fram með bekkjarfélögum sínum og mynda fjölbreytta og skemmtilega jóladagskrá undir stjórn kennara sinna. Að því loknu verður jólaball þar sem dansað verður í kringum jólatréð undir ljúfum tónum Grunntóns. Það er aldrei að vita nema að jólasveinarnir láti sjá sig :) Allir eru hjartanlega velkomnir á Litlu jólin okkar.