Íþróttahátíð Grunnskólans á Hólmavík og Leikskólans Lækjarbrekku verður í Íþróttamiðstöðinni á Hólmavík fimmtudaginn 23. janúar klukkan 17:00.
Nýr hópur nemenda bætist við en með samstarfi leik- og grunnskólans hafa þrír árgangar leikskólans, börn fædd 2014, 2015 og 2016 verið í íþróttakennslu frá því í haust og taka nú þátt ásamt foreldrum sínum.
Hátíðin fer fram á hefðbundinn hátt og byrjar á inngöngu barnanna og síðan býður hver barnahópur foreldrum sínum til leiks. 
Félagsmiðstöðin Ozon selur samlokur til styrktar starfsemi sinni.
Tilkynnt verður um val á íþróttamanni Strandabyggðar og hvatningarverðlaun Strandabyggðar verða afhent. 
Stjórnandi íþróttahátíðar er Ásdís Birna Árnadóttir.