Félagsmiðstöðin Ozon er staðsett innan veggja Grunnskólans. Starfið er ætlað krökkum í 5.-7. bekk annars vegar og 8.-10. bekk hins vegar. Yngri hópurinn hefur kost á að mæta hálfsmánaðarlega á opið hús og sá eldri getur mætt á opið hús í hverri viku. Nemendaráð heldur utan um og skipuleggur starfið í báðum deildum. Miðstöðin er vel tækjum búin, en þátttakendur sjá sjálfir um að afla tekna fyrir miðstöðina með skipulögðum fjársöfnunum. Það er tómstundafulltrúi Strandabyggðar sem heldur utan um starfið ásamt öðrum starfsmanni.

Starfið í Ozon er ekki bara skemmtilegt - það er líka krefjandi og gefandi. Við eigum gott samstarf og samskipti við krakka í nágrannasveitarfélögum og þá tekur miðstöðin einnig mjög virkan þátt í starfi Samfés (Samtökum félagsmiðstöðva á Íslandi ) með mörgum skemmtilegum ferðalögum og þátttöku í keppnum á vegum samtakanna. Það er gaman í Ozon - vertu velkominn!

Félagmiðstöðin Ozon er á Facebook - smelltu á okkur læki!