A A A

Valmynd

Fréttir

Skólastarf

Aukaþing Fjórðungssambands Vestfirðinga

| 15. nóvember 2011
Mynd af vef innanríkisráðuneytisins.
Mynd af vef innanríkisráðuneytisins.

Aukaþing Fjórðungssambands Vestfirðinga um stoðkerfi atvinnu og byggða, verður haldið í Edenborgarhúsinu á Ísafirði 25. nóvember n.k. Skipaður var starfshópur eftir 56. Fjórðungsþing Vestfirðinga (sjá hér) sem haldið var á Ísafirði 2.-3. september s.l., sem fékk það hlutverk að setja fram tillögur varðandi framtíðarskipulag stoðkerfisins. Starfshópurinn hefur nú skilað af sér tillögum sem verða lagðar fyrir þingið en tillögurnar miða að einföldun á stoðkerfinu, hagræðingu og meiri skilvirkni. Þessa dagana eru stjórnir stoðkerfisins og sveitarstjórnir á Vestfjörðum að fara yfir tillögur starfshópsins en þær má sjá hér.

 

Grunnskólinn á Hólmavík sigraði í myndbandakeppni 66°N

| 11. nóvember 2011
Ísak Leví Þrastarson fer á kostum sem lati bensíntitturinn - skjáskot af youtube.com
Ísak Leví Þrastarson fer á kostum sem lati bensíntitturinn - skjáskot af youtube.com
Þau ánægjulegu tíðindi bárust í vikunni að Grunnskólinn á Hólmavík hefði farið með sigur af hólmi í eldri flokki kvikmyndakeppni 66°NORÐUR og Grunnskólanna árið 2011. Sérstök dómnefnd valdi sigurvegara, en í niðurstöðu hennar skipti netkosning fyrir almenning einnig talsverðu máli. Dómnefndin var skipuð Katrínu Jakobsdóttur menntamálaráðherra, Hilmari Oddssyni, rektor Kvikmyndaskóla Íslands, Sigurjóni Sighvatssyni kvikmyndagerðarmanni og Sverri Þór Sverrissyni (Sveppa). Verðlaunaafhending fer fram í verslun 66°NORÐUR Faxafeni 12, laugardaginn 12. nóvember kl 11:00. Allir áhugasamir eru hjartanlega velkomnir. Katrín Jakobsdóttir menntamálaráðherra afhendir verðlaun fyrir sigurinn.
  
Að sigurmyndbandinu unnu tíu nemendur í 8.-10. bekk skólans auk Arnars S. Jónssonar tómstundafulltrúa og stundakennara. Myndin fjallar á gamansaman hátt um raunir ungs bensínafgreiðslumanns sem þarf að berjast við kuldabola, skrítna viðskiptavini og latan samstarfsmann.

Minnum á fund um sjávarútvegs- og landbúnaðarmál

| 09. nóvember 2011
Herra Jón Bjarnason sjávarútvegs- og landbúnaðarráðherra.
Herra Jón Bjarnason sjávarútvegs- og landbúnaðarráðherra.
Minnum á opinn fund um sjávarútvegs- og landbúnaðarmál sem verður haldinn í Félagsheimilinu á Hólmavík fimmtudaginn 10. nóvember n.k. Herra Jón Bjarnason sjávarútvegs- og landbúnaðarráðherra mun flytja framsögu um sjávarútvegs- og landbúnaðarmál, stöðu þeirra í dag og fyrirhugaðar breytingar.
 
Á fundinum verða einnig stuttar framsögur þar sem farið verður yfir stöðuna í þessum stóru málaflokkum á Ströndum og nýsköpun í atvinnugreinunum hér.

Dagskráin verður sem hér segir:
...
Meira

Byggingar-, umferðar- og skipulagsnefnd og sveitarstjórn Strandabyggðar funda

| 09. nóvember 2011
Hólmavíkurhöfn. Mynd Jón Jónsson.
Hólmavíkurhöfn. Mynd Jón Jónsson.
Fundur verður í Byggingar-, umferðar- og skipulagsnefnd fimmtudaginn 17. nóvember 2011 kl. 18:00. Vinsamlegast sendið erindi til byggingarfulltrúa Strandabyggðar, Gísla Gunnlaugssonar, í netfangið gisli@tvest.is eða skilið erindum inn til skrifstofu Strandabyggðar að Höfðagötu 3. Hægt er að ná í byggingarfulltrúa í síma 892-3952.

Fundur 1190 í sveitarstjórn Strandabyggðar verður haldinn þriðjudaginn 22. nóvember 2011 og hefst kl. 16:00.

Opin vinnustofa í Félagsheimilinu á Hólmavík

| 09. nóvember 2011
Glæsilegt postulín sem unnið var í félagsstarfi aldraðra. Mynd: Inga Sigurðardóttir.
Glæsilegt postulín sem unnið var í félagsstarfi aldraðra. Mynd: Inga Sigurðardóttir.
« 1 af 2 »
Fimmtudaginn 10. nóvember 2011 verður opnuð vinnustofa í aðstöðu félagsstarfs aldraðra í Félagsheimilinu á Hólmavík.  Í vinnustofunni gefst öllum íbúum á Ströndum og öðrum áhugasömum kostur á að hittast og vinna saman ýmiskonar handverk fyrir jólin. Á staðnum verður hægt að kaupa muni til að vinna með. Einnig er hægt að koma með muni að heiman og fá þá aðstöðu, föndurefni og góðan félagsskap á staðnum.
...
Meira
Eldri færslur

Könnun

Facebook

Atburðadagatal

Næstu atburðir

Vefumsjón