Dagana 23.-30. nóvember í Grunnskólanum á Hólmavík verða helgaðir fróðleik og vitundarvakningu nemenda og foreldra um ADHD; athyglisbrest og ofvirkni. Skipulagning hefur staðið yfir í skólanum undanfarna daga, en það eru þær Hildur Guðjónsdóttir og Jóhanna Hreinsdóttir sem annast undirbúninginn í samvinnu við starfsmenn skólans, foreldra og aðra áhugasama. Markmið með verkefninu er að auka fræðslu og skilning samfélagsins á ADHD röskun sem leiðir til betri hegðunar, líðan og viðhorfi allra í samfélaginu. Á vef Grunnskólans kemur m.a. fram að með þessu átaki sé ætlunin að byggja upp jákvætt og uppbyggjandi umhverfi fyrir einstaklinga með ADHD þannig að þeir fari út í framtíðina með góða sjálfsmynd sem er forsenda velgengni.

...
Meira

Þriðjudaginn 6. desember 2011 verður boðið upp á hundahreinsun á Ströndum. Hundahreinsunin fer fram í Áhaldahúsinu á Hólmavík milli kl. 17:00 - 18:30 og eru hundaeigendur hvattir til að mæta á staðinn með hundana sína.

Hundahreinsun á bæjum meðfram þjóðvegi 68
Hjalti Viðarson dýralæknir sér um hreinsunina. Hann mun keyra Strandirnar veg 68 norður til Hólmavíkur og býðst til að stoppa á bæjunum á leiðinni til að hreinsa hunda. Áhugasamir eru beðnir um að hafa samband við hann í síma 866-6528.

Hundahreinsunin er innifalin í hundaleyfisgjaldi í sveitarfélaginu Strandabyggð.

Kolaport verður haldið í Félagsheimilinu á Hólmavík sunnudaginn 20. nóvember milli kl. 12:00 - 16:00. Það eru öflugir nemendur í 8.-9. bekk í Grunn- og Tónskólanum á Hólmavík sem standa fyrir viðburðinum sem er liður í fjáröflun fyrir ferð þeirra til Danmerkur sem verður án efa lærdómsrík, þroskandi og skemmtileg.

Viðar Guðmundsson organisti og kórstjóri í Hólmavíkurkirkju með meiru hefur ýtt af stað söfnun til að kaupa og setja upp varanlegan útsendingarbúnað úr Hólmavíkurkirkju yfir í Heilbrigðisstofnunina á Hólmavík með möguleika á útsendingum í Bragganum. Með þessu gefst eldri íbúum tækifæri til að fylgjast bæði með athöfnum og þeim fjölmörgu viðburðum sem fram fara í Hólmavíkurkirkju á flatskjá í setustofunni á Heilbrigðisstofnuninni. Lionsklúbbur Hólmavíkur er einn af þeim aðilum sem munu leigja borð af Danmerkurförum í Kolaportinu og selja muni til styrktar söfnun Viðars....
Meira

Fundur 1190 í sveitarstjórn Strandabyggðar verður haldinn þriðjudaginn 22. nóvember 2011 á skrifstofu sveitarfélagsins að Höfðagötu 3 og hefst fundurinn kl. 16:00. Dagskrá fundarins má sjá hér.

Bókasafnsnefnd Héraðsbókasafns Strandasýslu og Grunnskólinn á Hólmavík auglýsa laust til umsóknar 50% starf forstöðumanns/bókavarðar Héraðs- og skólabókasafnsins á Hólmavík. Bókasafnið er til húsa í Grunn- og tónskólanum á Hólmavík.

 

Helstu verkefni

- Umsjón með útlánum og innkaupum á bókum

- Skráning á bókum og öðrum gögnum í Gegni

- Upplýsingatækni og safnfræðsla fyrir nemendur í 1. - 10. bekk

- Samskipti við aðra skóla á Ströndum og önnur bókasöfn

- Viðburðir á vegum safnsins og samvinnuverkefni með skólastofnunum

- Rekstur bókasafnsins

- Önnur verkefni sem næsti yfirmaður felur honum í tengslum við starfsemi skóla eða safnsins

- Þátttaka í símenntunaráætlun skóla

 

Endurskipulagning á starfinu og rekstrarumhverfi safnsins fer fram á næstu 9 mánuðum og hefur starfsmaður möguleika á að taka þátt í spennandi þróunarvinnu.  

 

Menntunarkröfur

- Æskilegt er að starfsmaður sé með menntun í bóksafns- og upplýsingafræðum eða öðrum skyldum greinum

 

Hæfniskröfur

- Leitað er að drífandi einstaklingi sem á auðvelt með mannleg samskipti og er jákvæður og skapandi

 

Ráðningarkjör

- Laun eru samkvæmt kjarasamningum

   

Starfsmaður heyrir undir skólastjórnendur og bókasafnsnefnd Héraðsbókasafns Strandasýslu. Bókasafnsnefnd er skipuð fimm fulltrúum. Héraðsnefnd skipar tvo fulltrúa og sveitarfélagið Strandabyggð þrjá fulltrúa.

 

Starfið er laust frá áramótum. Umsóknarfrestur er til og með 30. nóvember 2011.

 

Vinsamlegast sendið umsókn ásamt ferliskrá til Grunnskólans á Hólmavík eða á netfangið skolastjorar@holmavik.is. Nánari upplýsingar veitir Bjarni Ómar Haraldsson skólastjóri í síma 451 3129.