A A A

Valmynd

Fréttir

Skólastarf

Ungmennaţing

Brynja Rós Guđlaugsdóttir | 14. október 2019


Ungmennaþing verður haldið í Hnyðju, þriðjudaginn 15. október klukkan 17:00 
Verkefni Ungmennaráðs verða kynnt fyrir nýja ungmennaráðinu, m.a. heimsóknir á sjúkrahúsið og nýsköpunarverkefni. Veitingar koma frá Cafe Riis og vonumst við eftir að sjá sem flesta á aldrinum 13-25 ára. 
Stjórnin

Útskýringar vegna viđauka viđ fjárhagsáćtlun 2019

Ţorgeir Pálsson | 10. október 2019
« 1 af 2 »

Kæru íbúar Strandabyggðar,

 

Það er oft svo þegar lagt er upp með mörg verkefni, að stundum ná þau ekki að klárast, forsendur þeirra og mikilvægi breytist og eða áherslur sveitarstjórnar breytast.  Breytingarnar geta svo átt sér stoð í breyttu rekstrarumhverfi, breyttum áherslum eða stefnu, eða af öðrum utanaðkomandi ástæðum.

 

Þannig er það í Strandabyggð, að ýmislegt í fjárhagáætlun 2019, núverandi árs, hefur breyst.  Þá er gerður svokallaður viðauki, breytingin rakin og afleiðingar hennar útskýrðar.  Sveitarfélögum ber skylda til að gera grein fyrir breytingum á fjárhagsáætlunum, í formið viðauka.  Á sveitarstjórnarfundi 8. október, var samþykktur viðauki 2 við fjárhagsáætlun 2019 í Strandabyggð og eru breytingarnar útskýrðar hér:

 

Breytingarnar eru:

  • Grunnskólinn.  Þar var gert ráð fyrir hönnun við inngang, aðgengi fatlaðra ofl. kr. 2. milljónir  Kostnaður vegna verkefna verður 1. milljón þannig að kr. 500.000 sitja eftir og „sparast“ þannig
  • Leikskólinn.  Gert var ráð fyrir framkvæmdum vegna hönnun lóðar, tækjakaupa, auk málningarkostnaðar ofl. og kr. 5 milljónir en verða 2. milljónir og því sparast þar 3 milljónir.
  • Íþróttamiðstöð.  Þar var lagt upp með talsverðar framkvæmdir sem flestar hafa gengið eftir.  Heildaráætlun var kr. 14. milljónir, umframkostnaðar við ramp, hurð á kjallara og uppsetningu myndavélakerfis er um kr. 4 milljónir, sem verður mætt með lántöku
  • Slökkvibíll.  Ekki var gert ráð fyrir neinum kostnaði vegna bílsins á árinu 2019, sem reyndist því miður ekki tilfellið.  Þar myndast umframkostnaður rúmlega kr. 5 milljónir sem mætt er með lántöku
  • Yfirlögn á götur.  Eins og íbúar vita, var lagt á nokkrar götur í þorpinu í sumar og fögnum við því.  Kostnaður vegna meiri vinnu við eina þeirra auk kostnaðar við aðra götu sem ekki var á áætlun, valda umframkostnaði kr. 3.5 milljónir, sem mætt er með lántöku
  • Ný rétt í Staðardal.  Ekki náðist að vinna að þessu verkefni í ár og frestast því sú framkvæmd.  Við það „sparast“ kr. 1 milljón
  • Bragginn, geymsla.  Gert var ráð fyrir viðhaldskostnaði að upphæð kr. 1.5 milljón, sem ákveðið er að fresta.  Við það sparast 1.5 milljón
  • Þróunarsetur, viðhald.  Lagt var upp með viðhaldskostnað kr. 500 þúsund, en vegna m.a. lélegs tölvusambands varð að ráðast í lagningu ljósleiðara inn í húsið, með auknum kostnaði.  Við þetta varð til umframkostnaður kr. 1.3 milljónir, sem mætt er með lántöku.
  • Félagsheimilið.  Að auki má nefna að gert var ráð fyrir framkvæmdum í Félagsheimilinu á árinu, kr. 2 milljónir.  Lagningu ljósleiðara var frestað, en á móti komu framkvæmdir vegna frágangs í kjallara og lagnavinnu sem ekki var gert ráð fyrir.  Að auki verður keypt uppþvottavél með tilheyrandi búnaði.  Þessar breytingar jafnast hins vegar út á móti sparnaði, þannig að raunbreyting frá áætlun er engin og því er þessi liður ekki tilgreindur í viðaukanum.

 

Það er alltaf svo að einhvern lærdóm má draga af svona breytingum.  Áætlanagerð er vandmeðfarin og viðkvæm fyrir óvissuþáttum og víst er að nóg er af þeim í okkar rekstrarumhverfi.  Engu að síður þá munum við kappkosta að gera okkar áætlanir þannig að frávik og viðaukar verði í algeru lágmarki.

 

Það er von okkar að þessu stutta samantekt útskýri fyrir íbúum hvað viðaukar eru og hvernig þeir verði til.

 

Nú er vinna við fjárhagsáætlun 2020 komin af stað og við fögnum öllum góðum ábendingum og skoðunum íbúa.  Slíkar ábendingar má gjarnan senda á sveitarstjóra á netfangið thorgeir@strandabyggd.is

Námskeiđ í bođi hjá Frćđslumiđstöđ Vestfjarđa

Brynja Rós Guđlaugsdóttir | 09. október 2019
« 1 af 3 »


Hér eru áhugaverð námskeið í boði hjá Fræðslumiðstöð Vestfjarða 

Fundarbođ

Brynja Rós Guđlaugsdóttir | 07. október 2019


Auka aðalfundur

 

Stjórn Ungmennafélagsins Hvatar boðar til auka aðalfundar félagsins 20. Október 2019 kl: 16:00 í Sævangi.

Dagskrá fundarins:

 

  1. Tillaga um að leggja ungmennafélagið niður.

 

Svohljóðandi tillaga var samþykkt á síðasta aðaldfundi félagsins sem haldinn var 23. Apríl 2017.

            ,,Aðalfundur umf. Hvatar haldinn í Sævangi 23. Apríl 2017 samþykkti að leggja Ungmennafélagið Hvöt niður samkvæmt 11. Grein laga félagsins”

 

Greinagerð: Starfsemi félagsins hefur verið mjög lítil síðastliðin ár og eru litlar líkur á að það breytist á næstu árum.

Tröllatungu 26. Ágúst 2019

Stjórn Ungmennafélagsins Hvatar



Félagadagur 2.nóvember

Ađalbjörg S.Sigurvaldadóttir | 07. október 2019
Vissir þú að í sveitarfélaginu Strandabyggð eru 16 félög? Veistu hvaða starfsemi fer fram í þessum félögum? 

Félagadagur verður haldinn 2.nóvember kl.12.00 - 16.00 í Félagsheimilinu á Hólmavík. Á þessum degi gefst félögum tækifæri til að kynna sig og sína starfsemi. Ekki er um að ræða framsögn/ræður heldur er þetta í formi "Bása" (svæða) sem hvert félag hefur til umráða.
16 félög/hópar eru hér í sveitarfélaginu, nokkur eru búin að skrá sig og vil ég hvetja þau sem eiga það eftir, að tilkynna þátttöku til tómstundafulltrúa.

Aðalbjörg S. Sigurvaldadóttir
Tómstundafulltrúi
Síđa 1 af 311
Eldri fćrslur

Könnun

Facebook

Atburđadagatal

« Október 2019 »
S M Ţ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Nćstu atburđir

Vefumsjón