Kæru íbúar Strandabyggðar og allir hlutaðeigandi,

Í dag skrifaði ég, fyrir hönd Strandabyggðar, undir endurskoðað Aðalskipulag Strandabyggðar 2021-2033.  Þetta er stór stund fyrir sveitarfélagið og okkur íbúa og alla sem sjá hér tækifæri og góð skilyrði til búsetu og uppbyggingar atvinnulífs.  Mikil vinna er að baki og hafa margir komið að þessu verkefni, enda hófst vinna við endurskoðun aðalskipulagsins í tíð fyrrverandi sveitarstjórnar.  

Það er vert að þakka öllum þeim kjörnu fulltrúum Strandabyggðar, starfsmönnum sveitarfélagsins, skipulagsfulltrúa, byggingarfulltrúa, íbúum og öllum öðrum sem komið hafa að þessari vinnu, sem var undir stjórn fyrirtækisins Landmótunar.  Öllum þessum er þakkað heilshugar fyrir þeirra framlag, áhuga og vinnu við verkefnið.

Við munum segja nánar frá þessu verkefni og næstu skrefum síðar, en nú er rétt að fagna, því þetta er stór stund fyrir Strandabyggð og okkur öll!

Áfram Strandabyggð!

Kveðja
Þorgeir Pálsson
Oddviti

Sveitarstjórnarfundur 1382 í Strandabyggð
Fundur nr. 1382 í sveitarstjórn Strandabyggðar verður haldinn kl: 16:00, 14. október 2025 í Hnyðju, Höfðagötu 3, Hólmavík.

Fundardagskrá er svohljóðandi:

1. Viðauki IV
2. Lántaka hjá Lánasjóði sveitarfélaga
3. Yfirdráttarheimild í Arion banka, framlenging
4. Fjárhagsáætlun 2026, umræða um álagningu fasteignagjalda og útsvar
5. Velferðaþjónusta Vestfjarða, samningur um sérhæfða velferðarþjónustu á Vestfjörðum
6. Vestfjarðastofa, tillaga um svæðisbundið farsældarráð Vestfjarða, 09.10.25
7. Umsögn vegna draga að frumvarpi um breytingar á sveitarstjórnarlögum
8. Umsögn vegna matsáætlunar Landsnets um tengivirki Hvalárs- og Miðdalslínu
9. Sjöfn Sæmundsdóttir, Umsókn um laun í námslotum, 30.09.25
10. Náttúruhamfaratrygging Íslands, erindi til sveitarstjórnar, 10.09.25
11. Vestfjarðastofa, undirbúningur vegna sólmyrkvans 12. ágúst 2026, 09.10.25
12. Kvennaathvarf, erindi til sveitarstjórnar, 09.09.25
13. Skógræktarfélag Íslands, erindi til sveitarstjórnar, 22.09.25
14. Fundargerð TÍM nefndar frá 29.09.25
15. Frístundastyrkir 2025-2026
16. Fundargerð FRÆ nefndar frá 24.09.25
17. Fundargerð US nefndar frá 09.10.25
18. Umsókn um byggingarleyfi fyrir viðbyggingu að Borgabraut 21
19. Umsókn um byggingarleyfi, breytt notkun mannvirkis að Víðidalsá útihús
20. Umsókn um byggingarleyfi, breytt notkun mannvirkis að Broddanesi IV
21. Vinnuskýrsla sveitarstjóra
22. Skipulagsgátt, Umsagnarbeiðni vegna breytingu á Aðalskipulagi Reykhólahrepps 2022-2034
23. Heilbrigðisnefnd Vestfjarðasvæðis, fundargerð 153. fundar, 25.09.25
24. Svæðisskipulagsnefnd Vestfjarðasvæðis, fundargerð 153. fundar, 25.09.25
25. Vestfjarðastofa og Fjórðungssamband Vestfjarða, fundargerð stjórnar nr. 71 og 72, 27.08.25 og 24.09.25 ásamt fundargerð stjórnar Fjórðungssambands Vestfjarða, 19.08.25
26. Hafnasamband Íslands, fundargerð stjórnarfundar nr. 475, 10.09.25
27. Samband íslenskra sveitarfélaga, fundargerð stjórnarfundar nr. 984 og 985, 12.09.25 og 26.09.25

Gert er ráð fyrir að eftirtaldir sveitarstjórnarmenn sitji fundinn: 
Þorgeir Pálsson
Grettir Örn Ásmundsson
Júlíana Ágústsdóttir
Matthías Sævar Lýðsson
Hlíf Hrólfsdóttir

Strandabyggð 10. október 2025
Þorgeir Pálsson, oddviti

Skúli Hakim Thoroddsen, staðgengill sýslumannsins á Vestfjörðum, verður til viðtals á sýsluskrifstofunni á Hólmavík mánudaginn 13. október n.k.

Nánari upplýsingar og tímabókanir í síma 458 2400.

Við óskum eigendum, stjórnendum, starfsfólki og öllum aðstandendum Háafells, innilega til hamingju með nýja seiðaeldisstöð á Nauteyri, sem var opnuð í dag, laugardaginn 3. október 2025.  Mikil og markviss uppbygging hefur farið fram á Nauteyri undanfarin ár og er hún öllum hlutaðeigandi til mikils sóma.

Fyrir hönd Strandabyggðar, 
Kveðja
Þorgeir Pálsson
oddviti

Fundur nr. 1381 sem er aukafundur í sveitarstjórn Strandabyggðar verður haldinn kl. 17:30, þriðjudaginn 30. september 2025 í Hnyðju, Höfðagötu 3, Hólmavík.

 

Fundardagskrá er svohljóðandi:

 

1. Aðalskipulag Strandabyggðar  
2. Deiliskipulag Kvíslatunguvirkjunar
3. Ráðning tómstundafulltrúa
4. Ráðning forstöðumanns íþróttamiðstöðvar- og tjaldsvæðis

 

 

Gert er ráð fyrir að eftirtaldir sveitarstjórnarmenn sitji fundinn:

Þorgeir Pálsson

Júlíana Ágústsdóttir

Þórdís Karlsdóttir/Marta Sigvaldadóttir

Matthías Sævar Lýðsson

Hlíf Hrólfsdóttir

 

Strandabyggð 25. september

Þorgeir Pálsson oddviti