Vikan 24. – 28.  september

Mánudagurinn byrjaði á stærðfræði þar sem nemendur unnu að markmiðum vikunnar. Í þriðja og fjórða tíma var íslenska. Þar unnu nemendur að markmiðum sínum.  Í ensku voru bls. 65 - 72 lesnar og glósaðar, einnig voru verkefni í vinnubók unnin. Í náttúrufræði var unnið í sjálfsprófum 2.1, 2.2 og 2.3.

Á þriðjudag var samfélagsfræði í fyrstu tveimur tímunum, var verið að undirbúa sig fyrir próf sem er á fimmtudeginum.  Í íslensku eru allir að vinna í Skerpu á sínum hraða og vinna að markmiðum sínum. Í dönsku var unnið í vinnubók með nýju start bókinni. Nemendur voru að vinna blaðsíður 3-7. Í ensku var unnið að áætlunum vikunnar sem voru gefin á mánudegi, þeir sem voru fljótir að klára lásu í enskri frjálslestrarbók. Dagurinn endaði ííþróttum, þar sem farið var í stöðvaþjálfun.

Á miðvikudag var stærðfræði og upplýsingamennt fyrstu tvo tímana og síðan aftur í síðasta tíma fyrir mat og fyrsta tíma eftir mat. Var bekknum skipt upp í tvo hópa þar sem annar hópurinn vann í upplýsingamennt hjá Arnari og hinn hópurinn vann í stærðfræði hjá Ásu. Nokkrir tóku próf úr kafla 1 en aðrir vinna að markmiðum sínum.    Í upplýsingamennt var byrjað á verkefni í publisher. Dagurinn endaði í náttúrufræði þar sem rætt var um kafla 2.4 og sjálfspróf 2.4 var gert. Í lok tímans fengum við oddvita sveitarfélagsins í heimsókn og afhentum honum undirskriftalista frá nemendum unglingadeildar þar sem þess var farið á leit að bætt yrði úr tölvukosti skólans hið fyrsta.

Á fimmtudag var danska í fyrsta tíma þar sem unnið var í bls. 3-7 og þrjár hlustunaræfingar voru gerðar.  Síðan var tjáning þar sem nemendur fluttu ljóð.  Í þriðja og fjórða tíma var samfélagsfræði þar sem nemendur tóku próf úr þeim blaðsíðum sem þeir hafa verið að vinna í. Í síðasta tíma fyrir mat var bekkjarfundur, þar sem fjallað var um virðingu.    Eftir hádegið var íslenska þar sem nemendur unnu að markmiðum sínum  og þau enduðu daginn í íþróttum þar sem farið var í stöðvaþjálfun.

Á föstudag var frí hjá nemendum vegna starfsdags kennara.

Takk fyrir góða viku og eigið góða helgi.

Kveðja Ása