Vikan 11.-15. febrúar

Mánudagurinn var með eðlilegu sniðu. Í fyrsta tíma var stærðfræði þar esm hver er að vinna í sínu. Þeir sem voru búnir með kafla 4 tóku próf. Í ensku var farið yfir markmið vikunnar á undan og nemendur leiðréttu hjá sér. Í íslensku voru nokkrir að undirbúa sig fyrir próf en aðrir að vinna við lotu 6. Í stærðfræði var farið yfir hópaverkefnin sem hafa verið unnin síðustu þrjá mánudaga. Í náttúrufræði koma Anna Gunnlaugsdóttir í heimsókn og tók 9. og 10. bekk í fræðslu og á eftir þeim var hún 8. bekk.

 Á þriðjudeginum var verið að vinna í Landafræði handa unglingum í samfélagsfræði.  Í dönsku var bekknum skipt í hópa og þau unnu verkefni upp úr danskri mynd sem hafði verið horft á í vikunni á undan.Í íslensku héldu nemendur áfram að vinna í lotu 6, nokkrir tóku próf og aðrir voru að undirbúa sig fyrir próf. Í stærðfræði unnu nemendur að markmiðum vikunnar. Í íþróttum var farið í blak.

Á miðvikudag var frí hjá nemendum vegna öskudags.

Á fimmtudag var danska í fyrsta tíma þar sem nemendur unnu áfram að hópaverkefninu. Í tjáningu var frí vegna veikinda kennara.  Í samfélagsfræði var unnið í Landafræði handa unglingum. Á bekkjarfundi var rætt um kynlíf. Í íslensku eru nemendur að vinna í lotu 6.  Í íþróttum var farið í þrekþjálfun.

Á föstudag var byrjað í íslensku og þar eru nemendur að vinna vel að markmiðum í lotu 6.  Í ensku var farið yfir verkefni sem nemendur áttu að klára heima úr bókinni Women í black.  Í dönsku var unnið að hópaverkefni.

Ég vil minna á að í næstu viku hefst sundkennsla og verður hún í fimmtudags íþróttatímanum.

Takk fyrir góða viku og hafið það gott um helgina.

Kveðja Ása