A A A

Valmynd

Fréttir

Skólastarf

Árneshreppur og Kaldrananeshreppur styrkja Upplýsingamiðstöðina á Hólmavík

| 23. júlí 2012
Sveitarfélögin Árneshreppur og Kaldrananeshreppur hafa ákveðið að styrkja Upplýsingamiðstöðina á Hólmavík með fjárframlögum fyrir sumarið 2012 en sveitarfélögin gerðu slíkt hið sama árið 2011. Árneshreppur hefur samþykkt að styrkja Upplýsingamiðstöðina um kr. 150.000 og Kaldrananeshreppur styrkir Upplýsingamiðstöðina um kr. 200.000. Sveitarfélagið Strandabyggð þakkar fyrir þetta góða framlag til að efla upplýsingagjöf til ferðamanna á svæðinu.

Skrifstofa Strandabyggðar lokuð 9.-20. júlí

| 06. júlí 2012
Skrifstofa Strandabyggðar verður lokuð 9.-20. júlí 2012 vegna sumarleyfa starfsfólks.


Starfsfólk verður í leyfi sem hér segir:
Ingibjörg Valgeirsdóttir, sveitarstjóri 2.-20. júlí 2012
Salbjörg Engilbertsdóttir, skrifstofustjóri 9.-20. júlí og 2.-29. ágúst 2012
Elfa Björk Bragadóttir, fulltrúi á skrifstofu, 2.-30. júlí 2012
Hildur Jakobína Gísladóttir, félagsmálastjóri, 16. júlí - 16. ágúst 2012
Arnar Snæberg Jónsson, tómstundafulltrúi, 9. júlí - 10. ágúst 2012

 
Gleðilegt sumar!

Fyrri hópur Vinnuskólans lýkur störfum í dag

| 06. júlí 2012
Vinnuskólinn á námskeiði - ljósm. ASJ
Vinnuskólinn á námskeiði - ljósm. ASJ
« 1 af 2 »
Í dag lýkur fyrra vinnutímabili hjá Vinnuskóla Strandabyggðar, en það hefur nú staðið yfir í fimm vikur. Um fimmtán hressir krakkar hafa verið við störf á þessum tíma og hafa lagt mikla og góða vinnu í fegrun Hólmavíkur. Í tilefni starfslokanna er að sjálfsögðu mikið fjör hjá hópnum í dag, ratleikur um Hólmavík, vatnsbað frá slökkviliðinu og pizza á Café Riis. Í gær var hópurinn í alvarlegri hugleiðingum á skyndihjálparnámskeiði í Hnyðju hjá Gunnari S. Jónssyni sjúkraflutningsmanni.

Strandabyggð þakkar þessum góðu starfsmönnum kærlega fyrir vel unnin störf og býður næsta vinnuhóp velkominn til starfa í næstu viku.

Sauðfjársetrið hlaut heiðursverðlaun

| 06. júlí 2012
Ester Sigfúsdóttir framkvæmdastjóri glöð í bragði - ljósm. JJ
Ester Sigfúsdóttir framkvæmdastjóri glöð í bragði - ljósm. JJ
Á laugardagskvöldi á Hamingjudögum var Sauðfjársetri á Ströndum veitt sérstök heiðursverðlaun vegna ríkulegs framlags til menningar á Ströndum gegnum árin. Ester Sigfúsdóttir framkvæmdastjóri tók við verðlaununum fyrr hönd safnsins sem á tíu ára afmæli í ár. Margt er á döfinni hjá safninu hvað varðar framkvæmdir og frekari uppbyggingu.

Í máli Kötlu Kjartansdóttur, formanns Tómstundasviðs, kom fram að safnið hlyti verðlaunin ekki síst fyrir að hafa haft jákvæð áhrif á menningu og mannlíf í héraðinu og vera uppspretta fróðleiks, lista og menningar fyrir alla fjölskylduna. Til hamingju!

Einar Hákonarson hlýtur Menningarverðlaun Strandabyggðar 2012

| 05. júlí 2012
Einari afhent Menningarverðlaun Strandabyggðar 2012 - ljósm. JG
Einari afhent Menningarverðlaun Strandabyggðar 2012 - ljósm. JG
« 1 af 3 »
Á Hamingjudögum afhenti listamaðurinn Einar Hákonarson sveitarfélaginu Strandabyggð listaverk sem hefur hlotið nafnið Seiður. Unnið hafði verið að uppsetningu verksins undanfarnar vikur, en það setur sérstaklega mikinn svip á Hólmavíkurkauptún.

Ingibjörg Valgeirsdóttir veitti listaverkinu viðtöku fyrir hönd Strandabyggðar og skýrði frá því við sama tækifæri að Einar hefði hlotið Menningarverðlaun Strandabyggðar árið 2012, en tómstunda-, íþrótta- og menningarnefnd Strandabyggðar tók ákvörðun um verðlaunin sem nú voru veitt í þriðja sinn. Við óskum Einari innilega til hamingju með verðlaunin og Strandamönnum öllum til hamingju með hið glæsilega og seiðandi listaverk.
Eldri færslur

Könnun

Facebook

Atburðadagatal

Næstu atburðir

Vefumsjón