Aðalskipulag Strandabyggðar 2010 - 2022 er nú aðgengilegt á vefsíðu sveitarfélagsins, sjá hér.  Greinargerð með aðalskipulaginu má sjá hér.  Aðalskipulag Strandabyggðar var staðfest af umhverfisráðherra, Svandísi Svavarsdóttur, 21. júní 2011 og auglýst í B-deild stjórnartíðinda 5. júlí 2011. Uppdráttur að aðalskipulaginu er einnig til sýnis á skrifstofu sveitarstjóra að Höfðagötu 3, 510 Hólmavík.

Sveitarstjórnarfundur verður haldinn í sveitarstjórn Strandabyggðar þriðjudaginn 9. ágúst 2011 og hefst hann kl. 17:00. Fundurinn verður haldinn á skrifstofu sveitarfélagsins að Höfðagötu 3. Dagskrá fundarins má sjá hér.

Kaldrananeshreppur hefur ákveðið að styrkja Upplýsingamiðstöðina á Hólmavík um kr. 200.000. Upplýsingamiðstöðin á Hólmavík er vel sótt af innlendum og erlendum ferðamönnum. Í Upplýsingamiðstöðinni eru veittar ítarlegar upplýsingar um þjónustu, mannlíf, landslag og möguleika á eftirminnilegri upplifun á Ströndum og Vestfjörðum öllum. Sveitarfélagið Strandabyggð þakkar fyrir góðan styrk en samstarf sveitarfélaga á Ströndum er til fyrirmyndar og fer sífellt vaxandi.

Vegna fréttaflutnings í fjölmiðlum um vanskil sveitarfélagsins Strandabyggðar á 3 ára fjárhagsáætlun er vert að taka fram að sveitarfélagið skilaði inn 3 ára fjárhagsáætlun bréflega á réttum tíma, það láðist hinsvegar að senda hana á tölvutæku formi.

Spennandi, skemmtileg og krefjandi störf eru auglýst í skólum á Hólmavík:

Grunn- og Tónskólinn auglýsir 100% stöðu tungumálakennara. Kennslugreinar danska og enska á mið- og unglingastigi með umsjón á unglingastigi og 80% staða stuðningsfulltrúa á yngsta stigi. Leikskólinn Lækjarbrekka auglýsir nýtt starf matráðs og ræstitæknis. Um er að ræða 100% starf frá kl. 08:00 - 16:00 auk þess sem leikskólinn auglýsir eftir öflugu fólki í afleysingar.

Sjá nánar.



...
Meira