Föstudaginn næstkomandi, 9. október, er Hinsegin dagur á Drangsnesi. Samtök 78 halda fræðslufund fyrir 8., 9. og 10. bekk kl. 11:00 í samkomuhúsinu Baldri Drangsnesi. Einnig verður boðið upp á fræðslufund kl. 14:00 á sama stað fyrir foreldra, starfsmenn skóla og aðra áhugasama.

Umræðufundur um menningararf, sérstaklega þann óáþreyfanlega, og kynning á sáttmála UNESCO um verndun hans, verður haldinn fimmtudaginn 8. október kl. 20:00 í húsakynnum Galdrasýningar á Ströndum.

Sjá nánar hér.

Skólaþing fer fram í félagsheimilinu á Patreksfirði fimmtudaginn 1. október 2015 og hefst það kl. 13.00. Yfirskrift þingsins verður: Hvernig komum við skólum á Vestfjörðum í fremstu röð. Dagskrána má sjá hér en skólaþingið er öllum opið.

Íbúðin að Skólabraut 16, neðri hæð er auglýst laus til umsóknar í ótilgreindan tíma. Í íbúðinni er hjónaherbergi og auk þess lítið aukaherbergi, baðherbergi með sturtu, þvottahús og alrými með stofu og eldhúsi. Íbúðin verður laus í október....
Meira

Magnús Baldursson sálfræðingur verður á Hólmavík mánudaginn 28. september næstkomandi. Þeir íbúar sem vilja óska eftir tíma hjá Magnúsi er bent á að hafa samband við Maríu Játvarðardóttur félagsmálastjóra Stranda og Reykhólahrepps með því að senda á hana póst í netfangið felagsmalastjori@strandabyggd.is .