56. þing Fjórðungssambands Vestfirðinga stendur nú yfir í nýuppgerðu félagsheimili Bolvíkinga. Á þinginu er m.a. fjallað um endurskoðun á stoðkerfi atvinnu- og byggðarþróunar á Vestfjörðum og forgangsraðað hvaða verkefni verða valin í sóknaráætlun landshluta.

Til stoðkerfis atvinnu- og byggðarþróunar á Vestfjörðum teljast Atvinnuþróunarfélag Vestfjarða, Vaxtarsamningur Vestfjarða, Markaðsstofa Vestfjarða, Menningarráð Vestfjarða og Fjórðungssamband Vestfirðinga. Grunnur að endurskoðun á stoðkerfinu var lagður á fundi framkvæmdastjóra sveitarfélaga á Vestfjörðum og stjórna og starfsfólks stoðkerfisins sem haldinn var á Hólmavík í mars s.l. Eftirtaldir aðilar eru formenn stjórna:
...
Meira

Fjallskilaseðill 2011 hefur verið samþykktur í sveitarstjórn Strandabyggðar, sjá hér. Réttað verður sem hér segir:

Staðarrétt
Réttað verður í Staðarrétt sunnudaginn 18. september og laugardaginn 1. október og er miðað við að réttarstörf hefjist kl. 14:00. Réttarstjóri: Magnús Steingrímsson....
Meira

Tilboð í smíði nýrrar tvíbreiðrar brúar yfir Staðará í Steingrímsfirði á Strandavegi 643 voru opnuð í gær. Fjögur tilboð bárust og voru þau öll lítið eitt hærri en áætlaður verktakakostnaður hjá Vegagerðinni sem var rúmar 85,2 milljónir. Lægsta tilboðið var frá Eykt ehf í Reykjavík og hljóðaði upp á rúmar 85,9 milljónir. Það hæsta var frá Spennt ehf í Reykjavík upp á rúmar 91,2, en einnig buðu Hannes Jónsson ehf í Reykjavík rúmar 87,7 milljónir í verkið og Geirnaglinn ehf á Ísafirði tæpar 87,2 milljónir.

Frétt af strandir.is

Grunnskólinn á Hólmavík auglýsir 80% starf stuðningsfulltrúa við skólann. Vinnutími stuðningsfulltrúa er alla virka daga frá kl. 8:00-14:00 auk þátttöku í starfsmannafundum og sérverkefnum sem tilheyra skólastarfinu. Stuðningsfulltrúi vinnur í teymi með kennurum bekkja, fulltrúa sérkennslu og iðjuþjálfa. Starfsvettvangur stuðningsfulltrúa er inni í bekk og á öðrum starfsstöðum Grunnskólans eða umhverfi hans. Stuðningsfulltrúi er kennara til aðstoðar við að sinna einum eða fleiri nemendum sem þurfa sérstaka aðstoð. Starfið miðar fyrst og fremst að því að auka færni og sjálfstæði nemenda, ásamt því að veita þeim félagslegan og námslegan stuðning í daglegum athöfnum. Starfið tekur mið af eintaklingsáætlunum sem hafa það að markmiði að draga smám saman úr þörf nemanda á stuðningi í þeim tilvikum þar sem það er hægt. Nánari starfslýsingu má nálgast hjá skólastjórnendum.

 

Laun eru samkvæmt kjarasamningum á almennum vinnumarkaði vegna starfs stuðningsfulltrúa. Starfstími vegna stöðunnar er frá 6. september 2011 – 31. maí 2012.

 

Umsóknarfrestur er til klukkan 10:00 mánudaginn 4. september 2011.

Frekari upplýsingar veita Bjarni Ómar Haraldsson skólastjóri í s. 892-4666 og
Hildur Guðjónsdóttir aðstoðarskólastjóri í s. 661-2010, skolastjorar@holmavik.is

31. ágúst var skrifað undir verksamning milli sveitarfélagsins Strandabyggðar og fyrirtækisins Ísar ehf. um endurbyggingu stálþils við Hólmavíkurhöfn og fyrsti verkfundur haldinn vegna framkvæmdarinnar.  Fundinn sátu Stefán Guðjónsson f.h. Ísar ehf., Ingibjörg Valgeirsdóttir hafnarstjóri Hólmavíkurhafnar, Sigurður Marinó Þorvaldsson hafnarvörður, Jón Gísli Jónsson oddviti Strandabyggðar og Kristján Helgason f.h. Siglingastofnunar sem mun hafa umsjón með verkinu. 
...
Meira