Á vinnufundi sveitarstjórnar Strandabyggðar í dag var ákveðið að skipa eftirfarandi sviðsstjóra yfir svið sveitarfélagsins:

Athafnasvið - Jón Jónsson

Menntasvið - Ingibjörg Benediktsdóttir

Tómstundasvið - Katla Kjartansdóttir

Umhverfis - og skipulagssvið - Jón Gísli Jónsson

Velferðarsvið - Bryndís Sveinsdóttir

Sveitarstjórn vinnur nú að undirbúningi að erindisbréfum fyrir nýjar nefndir. Núverandi nefndir eru starfandi fram að næsta sveitarstjórnarfundi sem haldinn verður í lok nóvember.

Núna þegar vetur er genginn í garð er mikilvægt að muna eftir endurskinsmerkjunum. Íbúar eru hvattir til að fara yfir fataskápinn og merkja útifatnað barna og fullorðinna sem og skóla- og íþróttatöskur.

Þá eru ökumenn hvattir til að huga vel að gangandi og hjólandi vegfarendum í dreifbýli á Ströndum og þéttbýlinu á Hólmavík.

Sjáumst!

Frétt af www.bb.is:

Heilbrigðis- og samgöngumál voru efst á baugi á árlegum fundi sveitarstjórnarmanna á Vestfjörðum og þingmanna kjördæmisins sem haldinn var á Hólmavík í gær. Albertína F. Elíasdóttir, formaður stjórnar Fjórðungssambands Vestfirðinga, segir að mikil ánægja sé með fundinn af hálfu sveitarstjórnarmanna. Hún segir að fjárlög næsta árs hafi verið ofarlega á baugi, en mikill niðurskurður er framundan í heilbrigðismálum og sér Heilbrigðisstofnun Vestfjarða m.a. fram á að þurfi skera niður u m 30,3 milljónir króna. „Við höfum auðvitað miklar áhyggjur af heilbrigðismálunum og ræddum þau ítarlega við Guðbjart Hannesson, heilbrigðisráðherra, þingmann Norðvesturkjördæmis. Það er ákveðin stefnumótunarvinna í gangi í ráðuneytinu og vonandi skilar það einhverju," segir Albertína....
Meira

Áttu barn í Grunnskólanum á Hólmavík? Þá máttu ekki missa af þessu!

Í kvöld, fimmtudaginn 27. október kl. 18:00 verður aðalfundur Foreldrafélags Grunnskólans á Hólmavík haldinn í Félagsheimilinu á Hólmavík. Auk þess að kjósa nýja stjórn verður fjallað um hvernig efla megi samstarf foreldra, barna og skóla.

 

...
Meira

Nýtt nefndarfyrirkomulag var samþykkt í sveitarstjórn Strandabyggðar 25. október 2011. Með breytingunni er lögð áhersla á að efla skilvirkni, upplýsingaflæði og dreifa ábyrgð, auk þess sem breytingin hefur hagræðingu í för með sér. Í stað 7 nefnda verða 5 svið og 5 undirnefndir: Athafnasvið - Atvinnu-, dreifbýlis- og hafnarnefnd, Menntasvið - Fræðslunefnd, Tómstundasvið - Tómstunda-, íþrótta- og menningarnefnd, Umhverfis- og skipulagssvið - Umhverfis- og skipulagsnefnd, Velferðarsvið og Velferðarnefnd. Hver sveitarstjórnarfulltrúi mun leiða sitt svið.

...
Meira