Strandakúnst hefur gert samning við N1 um að rekstur handverksmarkaðarins fari fram í gamla söluskálanum í sumar. Er þetta afar hentugt húsnæði fyrir rekstur Strandakúnstar og mikill fengur að fá svo jákvæða og góða starfsemi í söluskálann sem hefur staðið auður frá því að Kaupfélag Steingrímsfjarðar á Hólmavík opnaði nýja og glæsilega veitingaaðstöðu fyrir rúmu ári. Fulltrúar frá N1 komu í heimsókn í dag, féllu fyrir handverki heimamanna og náðu þeim skemmtilega titli að verða fyrstu viðskiptavinir sumarsins. Strandakúnst opnar handverksmarkaðinn formlega á morgun, þriðjudaginn 12. júní kl. 13:00.

Starf sveitarstjóra í Strandabyggð er laust til umsóknar og er leitað eftir kraftmiklum og áhugasömum einstaklingi til að takast á við krefjandi verkefni.

Í Strandabyggð búa rúmlega 500 íbúar og er Hólmavík þéttbýlisstaðurinn. Atvinnulíf í sveitarfélaginu er fjölbreytt og skólastarf öflugt, grunnskóli, leikskóli og tónskóli. Nánari upplýsingar um Strandabyggð er að finna á vefsíðunni www.strandabyggd.is.

...
Meira

Íbúð að Austurtúni 8 er auglýst til tímabundinnar útleigu frá 15. júní - 15. ágúst 2012. Íbúðin er jafnframt ennþá á sölu.
Umsóknir skal senda með pósti merkt: Skrifstofa Strandabyggðar, Höfðagötu 3, 510 Hólmavík eða senda umsókn í tölvupósti merkt strandabyggd@strandabyggd.is fyrir kl. 12:00 á hádegi 11. júní 2011. Þeim umsækjendum sem þegar eiga umsóknir um leiguhúsnæði er bent á að endurnýja umsóknir sínar samkvæmt reglum, sjá hér að neðan.
Sveitarstjórn úthlutar íbúðunum samkvæmt eftirfarandi reglum sem samþykktar voru í sveitarstjórn 21. júní 2011:...
Meira

Ársreikningur Strandabyggðar 2011 sem hefur verið lagður fram og samþykktur í sveitarstjórn Strandabyggðar er nú aðgengilegur á netinu, sjá hér. 

Rekstrarniðurstaða A og B hluta á árinu 2011 var neikvæð um kr. 4,7 m. Rekstrarniðurstaða A hluta árið 2011 var neikvæða um kr. 6,6 m. Veltufé frá rekstri A og B hluta nam kr. 30,9 m en veltufé frá rekstri A hluta nam kr. 20,2 m. Eigið fé sveitarfélagsins í árslok 2011, A og B-hluti nam kr. 228 m samkvæmt efnahagsreikningi og skuldir og skuldbindingar A og B hluta námu kr. 373,6 m., þar af A hluti kr. 304 m. Samkvæmt efnahagsreikningi 31. des. 2011 nema eignir A-hluta kr. 641,3 m og samantekinn A og B- hluti kr. 601,7 m. 

Samkvæmt nýjum sveitarstjórnarlögum er ekki gert ráð fyrir að kjörnir skoðunarmenn staðfesti ársreikning.

Sveitarfélagið Strandabyggð auglýsir eftir veiðimanni með minkahund til hefðbundinnar minkaveiðar í sveitarfélaginu. Samningur er einungis gerður við aðila sem hefur gilt veiðikort. Lögð er áhersla á að leitað sé í varplöndum og við veiðiár. Einnig leitað með sjó, svo sem kostur er.

Umsóknum skal skilað á skrifstofu Strandabyggðar fyrir kl. 12:00 á hádegi mánudaginn 11. júní 2012.