Opnunartími í sundlauginni á Hólmavík í sumar verður frá kl. 09:00 - 21:00 alla daga vikunnar. Sumaropnunin hefst laugardaginn 26. maí 2012. Gjaldskrá íþróttamiðstöðvar má sjá hér. Tjaldsvæðið á Hólmavík hefur þegar verið opnað (sjá gjalskrá neðar í frétt) og Upplýsingamiðstöðin á Hólmavík, sem staðsett er í Galdrasafninu á Hólmavík, mun opna 1. júní 2012. Opnunartími í Upplýsingamiðstöð verður frá kl. 09:00 - 18:00 alla daga til 15. september 2012. Strandabyggð hefur gert samning við Strandagaldur um rekstur Upplýsingamiðstöðvarinnar á Hólmavík á tímabilunum frá 1. júní - 15. september 2012 - 2014. Sveitarfélögin Árneshreppur og Kaldrananeshreppur komu einnig að rekstri Upplýsingamiðstöðvarinnar árið 2011 og mun það góða samstarf vonandi haldi áfram.

Sveitarfélagið Strandabyggð óskar Strandamönnum og ferðalöngum öllum gleðilegs sumars!

...
Meira

Allir sem búa og starfa í sveitarfélögunum fjórum, Árneshreppi, Kaldrananeshreppi, Reykhólahreppi og Strandabyggð, skulu vera jafnir fyrir lögum og njóta mannréttinda án tillits til uppruna, þjóðernis, litarháttar, trúarbragða,stjórnmálaskoðana, kynferðis, kynhneigðar, aldurs, efnahags, ætternis, fötlunar, heilsufars eða annarrar stöðu. Hugað skal sérstaklega að því að stuðla að jöfnum rétti karla og kvenna og vinna gegn stöðnuðum hugmyndum um hlutverk kynjanna sem hefta frelsi einstaklingsins til að geta notið sín á þeim sviðum sem slíkar staðalímyndir ná til.

Sveitarfélögin Árneshreppur, Kaldrananeshreppur, Reykhólahreppur og Strandabyggð taka skýra afstöðu gegn kynbundnu ofbeldi og beinnar og óbeinnar mismununar kynjanna. Þetta kemur m.a fram í jafnréttisáætlun sem Velferðarnefnd Stranda og Reykhólahrepps vann.

...
Meira

Fundur verður haldinn í Umhverfis- og skipulagsnefnd Strandabyggðar fimmtudaginn 24. maí 2012. Hægt er að senda Gísla Gunnlaugssyni byggingarfulltrúa erindi í tölvupóst í netfangið gisli@tvest.is eða skila inn erindum á skrifstofu Strandabyggðar að Höfðagötu 3. Einnig er hægt að hafa samband við byggingarfulltrúa í síma 892 3952.

Sveitarstjórnarfundur 1197 í sveitarstjórn Strandabyggðar verður haldinn þriðjudaginn 29. maí 2012.

Á morgun, laugardaginn 19. maí, verður haldinn Umhverfisdagur á Hólmavík. Þá er kjörið tækifæri fyrir íbúa kauptúnsins til að kíkja út í góða veðrið (sólin mun skína samkvæmt spánni), hreinsa til í kringum húsin sín og á opnum svæðum í hverfum sínum. Starfsmenn Áhaldahúss Strandabyggðar munu fara um bæinn og taka rusl á eftirfarandi tímum:

- 14:00 Bláa hverfið
- 15:00 Appelsínugula hverfið
- 16:00 Rauða hverfið

Íbúar á Hólmavík eru hvattir til að gera sér glaðan dag við hreinsun, fegrun og tiltekt og sjá til þess að bærinn verði skínandi hreinn og fínn!

Í dag rennur út frestur til að skila inn umsóknum um vinnu í Vinnuskóla Strandabyggðar sumarið 2012. Umsóknum á að skila á skrifstofu Strandabyggðar sem er opin til kl. 14:00. Umsóknareyðublað og reglur Vinnuskólans má nálgast með því að smella hér. Vinnuskólinn verður nú starfræktur á tveimur fimm vikna tímabilum undir stjórn Ragnheiðar Gunnarsdóttur. Fyrra tímabilið stendur yfir frá 4. júní til 6. júlí, seinna tímabilið frá 9. júlí til 10. ágúst.

Umsækjendur þurfa því að velja hvort vinnutímabilið hugnast þeim betur. Unnið verður fyrir hádegi frá kl. 8:30 til kl. 12:00, en vinnuskólinn er ætlaður börnum og unglingum fæddum árin 1996, 97, 98 og 99.