Félagsþjónusta Stranda og Reykhólahrepps óskar eftir aðstoðarmanni í 50% starf til liðsinnis við fatlaðan einstakling sem er úti á vinnumarkaðnum. Tímabilið sem um ræðir er frá 10. júní - 15. júlí nk. og svo aftur í tvær vikur í ágúst.

Nánari upplýsingar veitir Hildur Jakobína Gísladóttir félagsmálastjóri í síma 842-2511.

...
Meira

Félagsþjónusta Stranda- og Reykhólahrepps í samvinnu við Hagvang auglýsa lausa til umsóknar stöðu félagsmálastjóra. Umsóknarfrestur er til 18. júní 2013.

Félagsþjónusta Stranda og Reykhólahrepps var stofnuð 1. febrúar 2011. Fjögur sveitarfélög sameinast um félagsþjónustuna en það eru Árneshreppur, Kaldrananeshreppur, Strandabyggð og Reykhólahreppur. Félagsmálastjóri hefur aðsetur á Hólmavík en hefur auk þess haft fasta viðveru á Reykhólum einn dag í viku....
Meira

Í dag, föstudaginn 31. maí komu hingað á Hólmavík til fundar við sveitarstjórnarmenn þau Ingileif Oddsdóttir skólameistari FNV (Fjölbrautarskóla Norðurlands Vestra) og Þorkell V. Þorsteinsson aðstoðarskólameistari. Tilefni fundarins var væntanleg framhaldsdeild - dreifnám sem mun hefjast hér á Hólmavík í haust. Stilla þarf saman strengi og stíga niður í takt þar sem mikill undirbúningur er framundan og ljóst þarf að vera hver skal gera hvað. FNV hefur þegar keyrt sambærilegt verkefni á Hvammstanga síðastliðinn vetur og gekk það með miklum ágætum. Þau eru því mjög spennt að koma dreifnámi á Hólmavík á laggirnar og búum við að reynslu FNV og þeirra Hvammstangamanna og munum við njóta góðrar leiðsagnar frá þeim....
Meira

Strandabyggð auglýsir eftir umsóknum um laus tún í eigu sveitarfélagsins. Umsóknum skal skilað á skrifstofu Strandabyggðar, Höfðagötu 3 á Hólmavík eða á netfangið strandabyggd.@strandabyggd fyrir kl. 14:00 mánudaginn 3. júní.

Vinnuskóli Strandabyggðar hefur göngu sína mánuadginn 3. júní kl. 8:30. Ingibjörg Benediktsdóttir og Ragnheiður Gunnarsdóttir verða leiðbeinendur vinnuskólans i sumar og skipta þær með sér verkum. Nemendum er bent á að mæta við hafnarvigtina, klæðnaður þarf að vera í samræmi við veður og vinnuaðstæður og nemendur þurfa að hafa með sér nesti. Gott er að kynna sér reglur Vinnuskóla Strandabyggðar sem er að finna hér neðar á síðunni (niðri í hægra horninu).