Matvælastofnun hefur gert þjónustusamning við Gísla Sverri Halldórsson, dýralækni, um að taka að sér almenna dýralæknaþjónustu og bráðaþjónustu á þjónustusvæði 2, (Dalabyggð, Reykhólahreppur, Strandabyggð, Árneshreppur, Kaldrananeshreppur og Bæjarhreppur), sbr. 2. gr. reglugerðar nr. 846/2011 um dýralæknaþjónustu í dreifðum byggðum. Um skammtímasamning er að ræða sem gildir á tímabilinu 1.05.2012-1.06.2012.

Áfram er unnið að því að tryggja varanlega dýralæknaþjónustu á þjónustusvæði 2.

Gísli Sverrir mun hafa aðstöðu að Ægisbraut 19 í Búðardal en símanúmer hans eru: 434-1122, 862-9005

Héraðsbókasafn Strandasýslu verður opið þriðjudagskvöldið 1. maí kl 19:30-20:30, þrátt fyrir að um almennan frídag sé að ræða. Fjöldi nýrra bóka er nú inni á safninu og meðal vinsælla bóka má nefna eftirfarandi:

 

Margit Sandemo: Lífsgleði

Gísli Rúnar: Ég drepst þar sem mér sýnist

Magnús Þór Hafsteinsson: Dauðinn í Dumbshafi

Adam Blade: Óvættaför nr 1-Elddrekinn Fernó

Ingólfur Margeirsson: Lífsjátning-æviminningar Guðmundur Elíasdóttur

Óttar Norðfjörð: Lygarinn-hljóðbók

Elsebeth Egholm: Líf og limir

Thomas Enger: Skindauði

 

Það kostar aðeins 2900 kr á ári að vera með bókasafnsskírteini.

 

Íbúafundur um tómstundir í Strandabyggð verður haldinn fimmtudagskvöldið 3. maí  kl. 19:30 í Félagsheimilinu á Hólmavík. Þar mun íbúum sveitarfélagsins gefast tækifæri til að koma á framfæri skoðunum sínum, hugmyndum og framtíðarsýn varðandi tómstundir, menningu, félagslíf, íþróttir og aðstöðu í Strandabyggð.

Tilgangurinn með fundinum er að fá fram skoðanir sem flestra íbúa á þessum mikilvæga málaflokki og nýta þær til stefnumótunar í honum, en það verður gert með hópavinnu og umræðum. Íbúafundurinn er öllum opinn og fólk á öllum aldri er hvatt til að mæta!

Sveitarstjórn Strandabyggðar samþykkti hreinsunarátak í Strandabyggð 2012 á sveitarstjórnarfundi 17. apríl s.l. Hreinsunarátak og umhverfisvikur verða sem hér segir:

Umhverfisdagur fyrirtækja og stofnanna á Hólmavík 16. maí 2012
Umhverfisdagur fyrirtækja og stofnanna verður haldinn miðvikudaginn 16. maí 2012. Þann dag geta fyrirtæki og stofnanir óskað eftir að starfsmenn Áhaldahúss Strandabyggðar fjarlægi rusl. Þeir sem vilja taka þátt er bent á að hafa samband við starfsfólk Áhaldahússins en góð þátttaka var í umhverfisdegi fyrirtækja og stofnanna árið 2011.

...
Meira

Íþróttamiðstöðin á Hólmavík lokar mánudaginn 30. apríl vegna viðhaldsverkefna og opnar aftur mánudaginn 7. maí með voropnunartíma sem verður auglýstur nánar í næstu viku. Eru íbúar beðnir velvirðingar á þeim óþægindum sem þetta kann að valda.