Strandabyggð óskar Strandamönnum nær og fjær og landsmönnum öllum gleðilegra páska!

Njótið páskahátíðarinnar!

Héraðsbókasafnið verður opið á laugardaginn kemur, 7. apríl, kl 13:00 - 14:00. Er það eini opnunardagurinn sem eftir er fram til páska. Safnið opnar síðan aftur þriðjudaginn eftir páska og verður opið frá kl. 10:00 - 13:30 alla virka daga til vors og einnig á þriðjudagskvöldum frá kl. 19:30 - 20:30. Sumaropnun verður nánar auglýst síðar.

Á safninu er alltaf eitthvað nýtt að sjá og skoða. Til að mynda bættist fjöldi bóka við safnkostinn eftir bókamarkað í Perlunni á dögunum. Þá eru í hverri viku teknar upp fjölmargar bækur úr safninu í Broddanesi og þeim komið fyrir á sérstöku borði, þar sem endurnýjað er á vikufresti. Loks eru keyptar inn á safnið allar vinsælustu bækur sem gefnar eru út hverju sinni. Það ættu því allir að finna eitthvað við sitt hæfi og fyrir aðeins kr. 2.900 á ári er hægt að fá lánaðan ótakmarkaðann fjölda bóka.

Sveitarfélagið Strandabyggð auglýsir eftir sumarstarfsfólki á eftirtalda starfsstaði sumarið 2012:
- Áhaldahús Strandabyggðar
- Vinnuskóli Strandabyggðar
- Íþróttamiðstöð Strandabyggðar

Leitað er að dugmiklu fólki með ríka þjónustulund sem hefur áhuga á að vinna að áframhaldandi þróun og uppbyggingu í Strandabyggð. Umsóknum skal skila á Skrifstofu Strandabyggðar að Höfðagötu 3, og er umsóknarfrestur til og með 12. apríl 2012. Einnig er hægt að senda umsóknir í tölvupósti á netfangið strandabyggd@strandabyggd.is  Umsóknareyðublöð um störf hjá Strandabyggð má sjá neðst til hægri hér á síðunni.
...
Meira

Sveitarfélagið Strandabyggð blæs nú til samkeppni um nafn á neðstu hæðina í Þróunarsetrinu. Skila þarf hugmyndum að nafni á skrifstofu Strandabyggðar fyrir kl. 12:00 á hádegi föstudaginn 13. apríl 2012 eða í netfang Arnars S. Jónssonar tómstundafulltrúa:  tómstundafulltrui@strandabyggd.is.

Sveitarstjórn Strandabyggðar mun velja nafn til samþykktar á fundi sveitarstjórnar sem haldinn verður 17. apríl 2012. Strandamenn nær og fjær og landsmenn allir, ungir sem aldnir eru hvattir til að taka þátt í þessari skemmtilegu keppni! Vinningshafi verður heiðraður sérstaklega á formlegri opnunarhátíð neðstu hæðarinnar nú í vor.

...
Meira

Sveitarfélagið Strandabyggð óskar eftir tilboðum í slátt og hirðingu á opnum svæðum á Hólmavík. Um er að ræða svæði með mismunandi þjónustustig eins og fram kemur í útboðsgögnum. Verksamningur verður gerður við verktaka og gildir hann í þrjú ár, fyrir árin 2012 til 2014. Sveitarfélagið Strandabyggð áskilur sér rétt til að taka hvaða tilboði sem er eða hafna öllum. Útboðsgögn eru fáanleg á skrifstofu Strandabyggðar. Frestur til að skila inn tilboðum rennur út kl. 12:00 á hádegi mánudaginn 16. apríl 2012. Skila þarf tilboðum á skrifstofu sveitarfélagsins að Höfðagötu 3, 510 Hólmavík eða í netfangið verk@holmavik.is  Nánari upplýsingar gefur Sigurður Marinó Þorvaldsson verkstjóri Áhaldahúss Strandabyggðar, 894-4806. 
...
Meira