Jólatrésnefndin minnir á hið árlega jólaball sem haldið verður annan í jólum í Félagsheimilinu á Hólmavík. Skemmtunin hefst kl. 14:00 og eru allir íbúar á Ströndum og nærsveitum hjartanlega velkomnir! Boðið verður upp á ekta íslenska jólaballastemningu með skemmtilegum jólalögum undir stjórn Barböru Guðbjartsdóttur, dansað verður í kringum jólatréð og vonandi sjá jólasveinar sér fært að kíkja í heimsókn – jafnvel með eitthvað góðgæti í poka. Verð er 500kr á barn.

 

Ágætu íbúar Strandabyggðar. 

Ég vil upplýsa ykkur um það að ég verð í veikindaleyfi frá og með 12. desember. Taka þarf úr mér legið vegna hnúta sem hafa fundist í því, allt góðkynja þó, og mun ég fara í aðgerð næstkomandi föstudag (á morgun ef veðurguðir leyfa). Í kjölfarið þarf ég að hafa hægt um mig í allt að 6 vikur og ætla Jói og börnin að hjúkra mér vel og töfra fram jólin í Mosfellsbænum að þessu sinni. Jón Gísli og Salbjörg munu sinna öllum brýnum verkefnum sveitarstjóra í fjarveru minni en svo tek ég upp þráðinn þegar ég mæti galvösk til vinnu á nýju ári.

...
Meira

Starfsmaður óskast í búsetu fyrir fatlaða manneskju  á Hólmavík. Umsóknir ásamt ferilsskrá berist til Maríu Játvarðardóttur félagsmálastjóra Höfðagötu 3, 510 Strandabyggð fyrir 15. desember. María veitir einnig nánari upplýsingar í síma síma 842-2511/451-3510....
Meira

Kolaport í umsjón Félagsmiðstöðvarinnar Ozon fer fram í félagsheimilinu á Hólmavík sunnudaginn 7. desember.

Salan hefst klukkan 13 og stendur til kl. 17 sama dag. Ozon mun sjá um kaffiveitingar og selja ýmsan varning sem kemur sér vel í jólatíðinni eða fer vel í jólapakkann. Fjölmargir aðrir verða með sölubása, bæði einstaklingar og félagasamtök og munu allir finna eitthvað við sitt hæfi. Enn er hægt að panta borð með því að hafa samband við Esther Ösp í síma 849-8620.

Athugið ða ekki verður posi á staðnum.

Heilmikið er um að vera í íþróttalífi Strandamanna en Héraðssamband Strandamanna fagnaði einmitt 70 ára afmæli sínu 19. nóvember síðastliðinn. Hér er stiklað á stóru í nýliðnum stórviðburðum.
...
Meira