Skútan Panorama kemur til Hólmavíkur fimmtudaginn 13. júní n.k. og er þetta í fyrsta sinn sem skemmtiferðaskip kemur til Hólmavíkur í skipulagða ferð.  Panorama, sem tekur 48 farþega, kemur 9 sinnum í sumar.  Það má segja að góð samvinna og skjót viðbrögð allra sem að málinu komu, hafi gert þetta að veruleika.  Hólmavík er komin á kortið sem formlegur áfangastaður skemmtiferðaskipa!

Farþegar Panorama munu fara í rútuferð með leiðsögn um Strandir, auk þess sem þeir munu heimsækja Sauðfjársetrið, Galdrasafnið og borða á Café Riis.  Við fögnum þessum gestum og þessum áfanga, um leið og við horfum til frekari sóknar inn á þennan markað.  Nú þegar eru komnar fyrirspurnir fyrir sumarið 2021.

Þeir sem vilja fræðast um skútuna og fyrirtækið, geta kíkt á eftirfarandi heimasíðu: https://www.varietycruises.com/ships/ships/panorama​

 

Gróðurhúsið Reykjum Hrútafirði

 Seljum sumarblóm og matjurtaplöntur við félagsheimilið á Hólmavík föstudaginn 7. júní nk. frá kl. 20:00.

Hægt er að panta á símatíma frá kl. 12:30-13:00 í síma 8466122 eða 4510022, einnig í tölvupósti á netfang: olhstef@emax.is

Sumarblómalisti 2019 

...
Meira

Kæru íbúar Strandabyggðar, Nú liggur ársreikningur 2018 fyrir og í ljós kemur að sveitarfélagið var rekið með tapi. Í þessum stutta pistli langar mig til að rekja helstu ástæður þessa taps, en fyrir þá sem vilja kafa dýpra, bendi ég á heimasíðu eða skrifstofu Strandabyggðar og/eða bara hafa samband beint við mig. Það er alltaf hægt að ræða málin yfir kaffibolla.

 

Ársreikningur 2018

Tekjur Strandabyggðar voru árið 2018 um kr 677 milljónir og eru þar teknar saman tekjur A og B hluta sveitarfélagsins. A hlutinn er sá hluti sem skilar tekjum af skattheimtu og greiðslum jöfnunarsjóðs en B hlutinn nær yfir stofnanir sveitarfélagsins og aðrar rekstrareiningar sem eru fjárhagslega sjálfstæðar og afla tekna með þjónustugjöldum.

...
Meira

Sæl öll,

Á næstu dögum kemur slitlagsflokkur frá Borgarverki til að leggja klæðningu á Lækjartún,Víkurtún, Vesturtún, Vitabraut og Austurtún.  Nánari dagsetning verður auglýst síðar, en við hvetjum íbúa í þessum götum til að gera ráðstafanir þegar þar að kemur og leggja bílum sínum annars staðar meðan á framkvæmdum stendur.  

Allar nánari upplýsingar veitir Sverrir Guðbrandsson, Áhaldahúsinu, sími: 892-6909.

 

Markmið Kvennahlaupsins er að hvetja og styðja konur á öllum aldri til aukinnar heilsueflingar. Kvennahlaupið höfðar til allra kvenna þar sem hægt er að velja mislangar vegalengdir (3km, 5km eða 10km á Hólmavík)

 

04. júni 2019 kl. 16.30 - Íþróttamiðstöðin Hólmavík - Tjaldstæði

Verðin eru óbreitt: 
1.000 kr fyrir börn 12 ára og yngri
2.000 kr fyrir 13 ára og eldri

Allir sem borga og taka þátt fá boli, kristal, Nivea vörur, buff og blöðrur!
Það er frítt í sund fyrir hlaupara eftir hlaup :)

Vinsamlegast sendið skilaboð á ( henrike@strandabyggd.is) eða merkið við á facebook ef þið ætlið að mæta og skrifið hvað margir taka þátt og ég skrái ykkur i hlaupið :)

Hlakka til að sjá ykkur!!
Henrike Stuehff íþróttakennari