Björgunarsveitin Dagrenning er að byrja starf fyrir ungliða 13-18 ára hér eru upplýsingar frá þeim:

Sælir kæru foreldrar

Þriðjudaginn 24. apríl mun starf unglingasveitarinnar Sigfúsar hefjast.

Vinnukvöld verður annan hvern þriðjudag frá klukkan 20:30-21:30.

Unglingarnir fengu með sér heim í dag leyfisbréf sem mikilvægt er að þau mæti með útfyllt fyrsta vinnukvöldið sem þau mæta á.
Ef þið hafið einhverjar spurningar er ykkur velkomið að hafa samband við okkur í gegnum

bjorkingvars90@gmail.com eða johannarosmunds@gmail.com

Kær kveðja

Björk og Jóhanna

Svæðisskipulagsnefnd Dalabyggðar, Reykhólahrepps og Strandabyggðar samþykkti þann 26. mars 2018 tillögu að svæðisskipulagi sveitarfélaganna ásamt umhverfisskýrslu, sbr. 25. gr. skipulagslaga og 9. gr. laga um umhverfismat áætlana. Í svæðisskipulagstillögunni er sett fram sameiginleg framtíðarsýn sveitarfélaganna á þróun landbúnaðar, sjávarnytja og ferðaþjónustu í þeim tilgangi að styrkja atvinnulíf og byggð. Greind eru tækifæri sem búa í auðlindum og sérkennum svæðisins og á grunni þess sett fram stefna í atvinnumálum, samfélagsmálum og umhverfismálum og síðan skipulagsstefna sem styður við hana....
Meira

Fræðslufundur um svefn verður haldinn í Hnyðju á Hólmavík mánudaginn 30. apríl kl. 17:00. Í þessum fyrirlestri verður fjallað um mikilvægi svefns fyrir andlega og líkamlega heilsu með sérstakri áherslu á svefn meðal barna og unglinga. 

Fyrirlesari  er Dr. Erla Björnsdóttir. Erla er sálfræðingur sem hefur sérhæft sig í rannsóknum og meðferð svefnvanda og gaf nýlega út bókina Svefn. Erla vinnur við rannsóknir á svefni við Háskóla Íslands og rekur Sálfræðiráðgjöfina þar sem hún aðstoðar fólk sem glímir við svefnvanda. Fyrirlesturinn er í boði Félagsþjónustunnar.

Gísli Gunnlaugsson byggingafulltrúi Strandabyggðar verður með viðveru í Hnyðju miðvikudaginn 18.apríl n.k. milli 10 og 12. Tilvalið fyrir framkvæmdaglaða og aðra sem þurfa á þjónustunni að halda að líta við og hitta hann.

Strandabyggð óskar eftir fólki til að annast slátt og hirðingu á grænum svæðum á Hólmavík.  Áhugasömum er bent á að senda inn umsókn á strandabyggd@strandabyggd.is og er frestur til og með 20. apríl n.k.   Nánari upplýsingar gefur Sigurður Marinó forstöðumaður Áhaldahúss í s. 894-4806