Fjallskilaseðill 2020 hefur verið samþykktur af Atvinnu-, drreifbýlis - og hafnarnefnd og staðfestur af sveitarstjórn.  Seðillinn er aðgengilegur hér 

Bændum, formanni ADH nefndar og öllum sem komu að gerð hans er hér með þakkað fyrir þeirra framlag.

Kveðja
Þorgeir Pálsson
Sveitarstjóri Strandabyggðar

Dagskrá næstu viku verður æsispennandi
Fótboltaakademía Norðurlands verður með námskeið á Grundum mánudag og þriðjudag. Þórólfur Sveinsson er þjálfari.

Hrafn Daði Pétursson frá Val, verður hér næstu sex vikur að þjálfa fótbolta og BOX
og munu yngri æfa á battavöllunum við grunnskólann og eldri á Grundum.

BOX verður þjálfað tvisvar í viku líka næstu sex vikurnar af Hrafni Daða og verður það í boði fyrir 12 ára og eldri í íþróttahúsinu.

Harpa Óskarsdóttir mun þjálfa frjálsar fyrir 6-10 ára á Grundum 2x í viku.

Héraðsmót HSS verður haldið á Grundum n.k. miðvikudag 15 júlí kl 17, og lýkur skráningu fyrir það mót kl 13 þann dag. Nánari upplýsingar má finna í tengli
https://www.facebook.com/herstrandamanna/posts/2915737828536276

 

Sveitarstjórnarfundur 1307 í Strandabyggð

Fundur nr. 1307, í sveitarstjórn Strandabyggðar verður haldinn þriðjudaginn 14. júlí 2020 kl 16.00 í Hnyðju.

 

Fundardagskrá er svohljóðandi:

1. Lántökur hjá Lánasjóði Sveitarfélaga
2. Fjárhagsáætlun 2020 – skerðing á framlögum Jöfnunarsjóðs
3. Geislinn – Húsbygging á Grundum
4. Strandagaldur – Minnisvarði um galdraöldina við Galdrasýninguna
5. Leikskólinn Lækjarbrekka – framkvæmdir á leikskólaóð
6. Hallgrímur Sveinn Sævarsson – fyrirspurn
7. Hallgrímur Sveinn Sævarsson - Styrkumsókn
8. Fundargerðir nefnda
   1. Tómstunda-, íþrótta- og menningarnefnd, frá 24.06.20
   2. Atvinnu-, dreifbýlis- og hafnarnefnd frá 13.07.20
9. HMS – Úthlutun stofnfjárframlags vegna húsbyggingar í Strandabyggð
10. Félagsþjónusta Stranda og Reykhóla – ársreikningur 2019
11. Samband íslenskra sveitarfélaga, fundargerð nr. 885 frá 12.07.20
12. Vestfjarðastofa – aukafundur 12.05.20
13. Skipulagsstofnun - Umsögn svæðisráðs um athugasemdir við lýsingu fyrir gerð strandsvæðisskipulags á Vestfjörðum
14. Skipulagsstofnun - Skipting Arnarfjarðar í Eldissvæði
15. Atvinnuvega- og nýsköpunarráðuneyti – Fiskeldi í Jökulfjörðum
16. EFLA – Sviðsmyndir um raforkunotkun á Vestfjörðum

 

 

Gert er ráð fyrir að eftirtaldir sveitarstjórnarmenn sitji fundinn:

Jón Gísli Jónsson

Aðalbjörg Signý Sigurvaldadóttir

Ásta Þórisdóttir

Eiríkur Valdimarsson

Pétur Matthíasson

 

Fjölskylduhátíðin Náttúrubarnahátíð á Ströndum verður haldin laugardaginn 11. júlí nú í sumar. Hátíðin fer fram á Sauðfjársetrinu á Ströndum.

Þetta er í fjórða skipti sem hátíðin er haldin en þetta sumarið verður hún með örlítið óhefðbundnu sniði og fer til dæmis fram á einum degi en ekki þrem líkt og áður. Á hátíðinni fá allir gestir, bæði börn og fullorðnir, kjörið tækifæri til að finna eða rækta sitt innra náttúrubarn á fjölbreyttum viðburðum sem flétta saman skemmtun og fróðleik.

Dagskrána má sjá hér:

11:00 Náttúrujóga með Hvatastöðinni

12:00 Rölt eftir stígnum Sjávarslóð og framkvæmdur Veðurgaldur

12:00 Hægt að kaupa súpur og samlokur í Sævangi

12:30 Magnað atriði frá Sirkus Íslands

13:00 Spennandi útismiðja með Jóni Víðis

14:30 Náttúruhljóðsmiðja, hljóðum úr náttúrunni safnað og notuð í tónverk með aðstoð tækninnar, Auður Viðarsdóttir er listrænn stjórnandi smiðjunnar

16:00 Gönguferð í teistuvarpið, kíkt á teistuunga sem búa í kössum í fjörunni

17:00 Strandahestar, bogfimi, opið hús í tilraunastofunni, plastdýragarðinum og fleira

17:00 Hægt að kaupa grillaðar pylsur í Sævangi

19:00 Töfrasýning með Jóni Víðis

20:00 Stuðboltinn Raggi Torfa stjórnar fjörusöng

21:30 Trölla- og draugasögur í Sagnahúsinu

Það er frítt á öll atriði hátíðarinnar. Frítt verður líka á sögusýningar Sauðfjársetursins á laugardaginn og frábær tilboð á Kaffi kind alla helgina.

Fyrir nánari upplýsingar er hægt að kynna sér hátíðina á Facebook síðu Náttúrubarnaskólans, á natturubarnaskoli@gmail.com eða hjá Dagrúnu í síma 661-2213.

Kæru íbúar Strandabyggðar,

Það er mikið að gerast í Strandabyggð þessa dagana.  Hamingjudagar voru nýlega og tókust mjög vel. Lotta kom eins og áður en nú var sýningin þeirra í lundinum við hliðina á Bragganum og það reyndist frábær staður.  Dagskrá Hamingjudaga var annars nokkuð viðamikil, með brekkusöng, varðeld, hamingjuhlaupi, hamingjujoga, opnum húsum, söngatriði Unnar Malínar, Galdraleikum ofl.

Síðustu dagar hafa verið sérlega góðir á Hólmavík; sól og sæla. Vinnuskólakrakkarnir hafa unnið vel í að fegra umhverfið okkar og sést það um allan bæ.  Síðan var formleg opnun á ærslabelgnum í gær, með pylsupartýi og fjöri. 

Að auki hefur Geislinn boðið upp á tveggja vikna leikjanámskeið fyrir yngri börnin og íþróttaþjálfun fyrir þau eldri. Þetta bætist við leikjanámskeið og Náttúrubarnaskóla sem voru í síðasta mánuði.  Þannig að það er nóg að gerast á Hólmavík!

Njótum sumarsins!