Strandabyggð auglýsir laust til umsóknar starf tómstundafulltrúa. Um er að ræða fjölbreytt og skemmtilegt starf fyrir skapandi og skipulagðan einstakling sem hefur unun af samskiptum. Um 75% starf er að ræða.

Helstu verkefni

• Verkefnavinna og stefnumótun á sviði tómstunda-, íþrótta- og menningarmála í Strandabyggð
• Samvinna með skólastjóra Grunn-, leik- og tónskóla Hólmavíkur að málefnum á sviði menntunar og tómstunda
• Vinna með Tómstunda-, íþrótta og menningarnefnd sveitarfélagsins
• Umsjón með starfsemi félagsmiðstöðvarinnar Ozon og ungmennahússins Fjóssins
• Umsjón með Ungmennaráði Strandabyggðar
• Umsjón með skipulögðu starfi eldri borgara í Strandabyggð
• Verkefnastjórnun við hátíðahöld og viðburði á vegum Strandabyggðar
• Undirbúningur vegna verkefna vinnuskóla, menningardvalar og sumarnámskeiða
• Stuðningur við félagastarf á sviði tómstunda, íþrótta og menningar
• Sérstök nýsköpun og stuðningur við þá hópa sem hafa lítið framboð við hæfi í Strandabyggð
• Samvinna við nágrannasveitarfélög og á landsvísu á sviði tómstundamála
• Samstarf við íþróttafélög, starfsfólk íþróttamiðstöðvar og félagasamtök á svæðinu

Æskileg menntun, færni og eiginleikar

• Háskólapróf á sviði tómstunda- og félagsmálafræði eða skyldum greinum sem nýtast í starfi
• Skipulags- og stjórnunarfærni
• Reynsla af félagsstörfum með börnum og ungmennum
• Samskiptafærni og geta til að tjá sig í ræðu og riti
• Frumkvæði, jákvætt hugarfar og hugmyndaauðgi
• Er hvetjandi og góð fyrirmynd

Umsóknarfrestur er til miðnættis 6. september 2020.  Umsóknum skal skilað á skrifstofu Strandabyggðar að Höfðagötu 3, eða á netfangið:  strandabyggd@strandabyggd.is

Allar frekari upplýsingar um starfið veitir Þorgeir Pálsson sveitarstjóri, í síma 451-3510 eða 899-0020, eða á netfangið thorgeir@strandabyggd.is

 
Félagsþjónusta Stranda og Reykhólahrepps annast greiðslu á sérstökum húsnæðisstuðningi til foreldra/forráðamanna 15-17 ára barna, sem leigja herbergi á heimavist, námsgörðum eða á almennum markaði hér á landi vegna náms fjarri lögheimili. Sjá reglur (25 gr.)

Umsóknareyðublað má nálgast hér

Með umsókninni þarf að fylgja:

• Staðfesting á skólavist
• þinglýstur húsaleigusamningur
• Upplýsingar um bankareikning

Sækja þarf núna um fyrir haustönn og skulu umsóknir berast til félagsmálastjóra, Höfðagötu 3, 510 Hólmavík eða á netfangið felagsmalastjori@strandabyggd.is

Nánari upplýsingar veitir Guðrún Elín Benónýsdóttir, félagsmálastjóri.

Sveitarstjórnarfundur 1308 í Strandabyggð

Fundur nr. 1308, í sveitarstjórn Strandabyggðar verður haldinn þriðjudaginn 11. ágúst 2020 kl 16.00 í Hnyðju.

 

Fundardagskrá er svohljóðandi:

 

1. Starfsmannamál – TRÚNAÐARMÁL
2. Hitaveita í Strandabyggð – TRÚNAÐARMÁL
3. Fundargerð Umhverfis- og skipulagsnefndar frá 10.08.20
4. Breytingar í sveitarstjórn
5. Breytingar í nefndarskipan
6. Niðurskurður á framlögum Jöfnunarsjóðs 2020
7. Val á samstarfsaðila vegna Aðalskipulagsgerðar.

 

 

Gert er ráð fyrir að eftirtaldir sveitarstjórnarmenn sitji fundinn:

Jón Gísli Jónsson

Jón Jónsson

Ásta Þórisdóttir

Eiríkur Valdimarsson

Pétur Matthíasson

 

Skrifstofa Strandabyggðar verður lokuð vegna sumarleyfa frá 20.júlí og opnar aftur kl.10 þriðjudaginn 4. ágúst.  Ef erindið tilheyrir þjónustudeild bendum við á s. 865 4806.