A A A

Valmynd

Fréttir

Skólastarf

Vestfirðingar funda á Hólmavík

| 20. mars 2011
Fjölmenni var á fundi á Hólmavík á dögunum þegar framkvæmdastjórar sveitarfélaga á Vestfjörðum komu saman ásamt stjórnum og starfsfólki Fjórðungssambands Vestfjarða, Atvinnu- þróunarfélags Vestfjarða, Menningarráðs Vestfjarða, Markaðsstofu Vestfjarða og Vaxtarsamnings Vestfjarða. Framkvæmdastjórar sveitarfélaga á Vestfjörðum voru að hittast í annað sinn á þessu ári til að fara yfir sameiginleg verkefni framundan og brýn hagsmunamál, en framkvæmdastjórarnir telja mikilvægt að samnýta krafta sveitarfélaganna við áframhaldandi uppbyggingu og þróun atvinnu- og mannlífs á Vestfjörðum.

Danssýning á Ströndum

| 20. mars 2011
5 - 16 ára nemendur  dönsuðu saman fjörugan hópdans við lag Shakiru, Wakawaka. Mynd IV.
5 - 16 ára nemendur dönsuðu saman fjörugan hópdans við lag Shakiru, Wakawaka. Mynd IV.
Strandamenn frá Árneshreppi, Kaldrananeshreppi og Strandabyggð héldu danssýningu í Félagsheimilinu á Hólmavík s.l. föstudag. Sýningin var glæsilegt lokaverkefni nemenda á dansnámskeiði Jóns Péturs sem haldið var á Hólmavík dagana 14. - 18. mars. Sýndir voru ólíkir dansar, allt frá hliðar saman hliðar til frumsamins hópdans eftir Jón Pétur við lag Shakiru, Wakawaka. Strandamenn býða spenntir eftir að læra meira hjá Jóni Pétri eftir þessa skemmtilegu viku.

Tómstundafulltrúi Strandabyggðar, Arnar Jónsson, stóð fyrir námskeiðinu í samvinnu við Grunn- og Tónskólann á Hólmavík.

Minnum á viðtalstíma byggingarfulltrúa

| 18. mars 2011
Byggingarfulltrúi, Gísli Gunnlaugsson, verður með viðtalstíma á skrifstofu Strandabyggðar mánudaginn 21. mars n.k. milli kl. 13:00 - 16:00.

ATH.: Tímasetningu á sveitarstjórnarfundi 1179 breytt aftur!

| 18. mars 2011
Vegna breytinga á fundarhaldi utan Strandabyggðar, sem sveitarstjóri og fulltrúar sveitarstjórnar mæta á fyrir hönd sveitarfélagsins, verður enn gerð breyting á tímasetningu næsta sveitarstjórnarfundar.  Hann verður sem hér segir:

Sveitarstjórnarfundur 1179 í sveitarstjórn Strandabyggðar verður haldinn miðvikudaginn 23. mars 2011 á skrifstofu sveitarfélagsins og hefst hann kl. 18:15.

Er beðist velvirðingar á þeim óþægindum sem þetta kann að valda.

Sveitarstjórnarfundi frestað

| 17. mars 2011
Sveitarstjórnarfundi, sem átti að vera þriðjudaginn 22. mars n.k., hefur verið frestað til fimmtudagsins 24. mars. Frestunin er vegna fundar ríkisstjórnar Íslands með sveitarstjórnarfólki á Vestfjörðum sem boðaður hefur verið á Ísafirði n.k. þriðjudag.

Sveitarstjórn Strandabyggðar mun funda á skrifstofu sveitarfélagsins að Höfðagötu 3, fimmtudaginn 24. mars 2011, kl. 16:00.

Eldri færslur

Könnun

Facebook

Atburðadagatal

Næstu atburðir

Vefumsjón