A A A

Valmynd

Fréttir

Skólastarf

Félagsmálastjóri í fríi 4. - 14. júní 2012

| 04. júní 2012

Félagsmálastjóri Stranda og Reykhólahrepps verður í sumarfríi frá 4.-14.júní 2012. Ef brýn barnaverndarmál koma upp vinsamlega hafið samband við 112. Ef um annars konar mál eru að ræða vinsamlega sendið tölvupóst á félagsmalastjori@strandabyggd.is.

 

Hildur Jakobína Gísladóttir

Félagsmálastjóri Stranda- og Reykhólahrepps

Skákhátíð á Ströndum hefst á Hólmavík í ár

| 01. júní 2012
Fjöltefli verður haldið í Bragganum á Hólmavík föstudaginn 22. júní kl. 16:00, en viðburðurinn markar upphaf Skákhátíðar á Ströndum árið 2012 sem jafnan er haldin í Árneshreppi ár hvert. Það er Róbert Lagerman sem mun tefla við Strandamenn og aðra gesti í Bragganum, en hann hefur um árabil verið meðal bestu skákmanna Íslands. Allir sem vettlingi geta valdið eru hvattir til að mæta og tefla við meistarann. 

Róbert er þekktur fyrir skemmtilega taflmennsku og sókndirfsku, og hægt að bóka að fjölteflið verður skemmtilegt. Fjölteflið er öllum opið og þátttaka kostar ekkert. Leyfilegt er að búa til 2ja manna lið, sem sameinast um eina skák í glímunni við meistarann.

Á föstudagskvöldinu er svo komið að hinu stórskemmtilega tvískákarmóti í Hótel Djúpavík. Laugardaginn 23. júní verður síðan haldið afmælismót Róberti til heiðurs í samkomuhúsinu í Trékyllisvík, þar sem Róbert verður heiðraður fyrir frábæran stuðning við skáklíf á Ströndum, enda hefur enginn skákmeistari tekið þátt í jafnmörgum skákviðburðum á Ströndum. Sunnudaginn 24. júní verður hraðskákmót í Kaffi Norðurfirði. Auk þess verður efnt til hins árlega landsleiks í fótbolta milli gestanna og Ungmennafélagsins Leifs heppna, haldin brenna, boðið uppá fjöltefli og fleira skemmtilegt.


Frekari upplýsingar um Skákhátíð á Ströndum á Facebook-síðu hátíðarinnar og www.skak.is.

Íbúð að Austurtúni 8 auglýst til tímabundinnar leigu

| 30. maí 2012

Sveitarstjórn Strandabyggðar fór yfir tilboð í 4 herbergja íbúð í raðhúsi að Austurtúni 8 á Hólmavík á vinnufundi sveitarstjórnar í gær. Ekki fengust viðunandi tilboð í eignina. Sveitarstjórn hefur ákveðið að auglýsa íbúðina til tímabundinnar útleigu frá 15. júní - 15. ágúst 2012. Íbúðin er jafnframt ennþá á sölu.


Umsóknir skal senda með pósti merkt: Skrifstofa Strandabyggðar, Höfðagötu 3, 510 Hólmavík eða senda umsókn í tölvupósti merkt strandabyggd@strandabyggd.is fyrir kl. 12:00 á hádegi 11. júní 2012. Þeim umsækjendum sem þegar eiga umsóknir um leiguhúsnæði er bent á að endurnýja umsóknir sínar samkvæmt reglum, sjá hér að neðan.

Sveitarstjórn úthlutar íbúðunum samkvæmt eftirfarandi reglum sem samþykktar voru í sveitarstjórn 21. júní 2011:


Reglur um útleigu á íbúðarhúsnæði
í eigu sveitarfélagsinsStrandabyggðar



Samþykktar í sveitarstjórn Strandabyggðar 21. júní 2011

...
Meira

Viltu koma út að leika?

| 29. maí 2012
Sólarsamba á Hólmavík - ljósm. af vef Grunnskólans
Sólarsamba á Hólmavík - ljósm. af vef Grunnskólans
Sumarnámskeiðið Viltu koma út að leika? verður haldið á Hólmavík í sumar fyrir börn á aldrinum 6-13 ára. Námskeiðið mun standa yfir í tvær vikur alla virka daga á tímabilinu 9.-20. júlí og fer að öllu leyti fram utandyra. Þessi skemmtilega hugmynd og framkvæmd kemur frá systrunum Árnýju Huld og Guðmundínu Arndísi Haraldsdætrum sem eru jafnframt leiðbeinendur á námskeiðinu. Helstu viðfangsefni þess eru skynfæri og hreyfigeta, útileikir, þrautir, sögur og ævintýri. Þáttakendum verður skipt upp í tvo hópa, 6-10 ára og 11-13 ára og mun yngri hópurinn vera á námskeiðinu frá kl. 10:00-12:00 og eldri hópurinn frá kl. 13:00-15:00.


Verð fyrir námskeiðið er kr. 10.000.- fyrir hvert barn, en jafnframt er veittur systkinaafsláttur á þann veg að greiddar eru 7.500 kr. fyrir annað barn, 5.000 kr. fyrir þriðja og fjórða barn. Skráning fer fram hjá Árnýju í netfangið arnyhuld@hotmail.com eða í síma 848 4090. Fólk er beðið um að skrá börn sín til leiks í síðasta lagi sunnudaginn 1. júlí. Ef lágmarksfjöldi þátttakenda næst ekki fellur námskeiðið niður. 


Auglýsingu og tímatöflu námskeiðsins má sjá með því að smella hér.

Starf sveitarstjóra í Strandabyggð

| 27. maí 2012
Gefandi starf í blómlegu samfélagi á Ströndum. Mynd IV.
Gefandi starf í blómlegu samfélagi á Ströndum. Mynd IV.

Starf sveitarstjóra í Strandabyggð er laust til umsóknar og er leitað eftir kraftmiklum og áhugasömum einstaklingi til að takast á við krefjandi verkefni.



Í Strandabyggð búa rúmlega 500 íbúar og er Hólmavík þéttbýlisstaðurinn. Atvinnulíf í sveitarfélaginu er fjölbreytt og skólastarf öflugt, grunnskóli, leikskóli og tónskóli. Nánari upplýsingar um Strandabyggð er að finna á vefsíðunni
www.strandabyggd.is.



Starfsvið sveitarstjóra:

...
Meira
Eldri færslur

Könnun

Facebook

Atburðadagatal

Næstu atburðir

Vefumsjón