Ertu með verki í baki, mjöðmum, hnjám eða fótum?
Prófaðu að koma í göngugreiningu.
Göngugreiningar fara fram í Hnyðju.
Bókaðu tíma á heimasíðunni 

https://gongugreining.is/page/boka

eða í síma 55 77 100

Sæl öll,

Við höldum nú áfram með Umhverfisátakið í Strandabyggð og í dag kemur fultrúi frá Heilbrigðiseftirliti Vestfjarða og límir miða á númerslausa bíla, vinnuvélar og önnur tæki.  Eftir það hafa eigendur tvær vikur til að ræða við Heilbrigðiseftirlitið og/eða sveitarfélagið um lausn og við hvetjum alla til að hafa samband sem fyrst, þannig að við getum fundið lausn í sameiningu. 

Allar frekari upplýsingar veitir sveitarstjóri í síma 899-0020 eða á netfangið thorgeir@strandabyggd.is

Sundlaug og pottar verða opin til kl 21 á morgun, laugardag fyrir smala og aðra sem vilja nýta sér aukinn opnunartíma.

Einnig verður opið til 21 laugardagana, 14., 21. og 28. september sem og laugardaginn 5. október.

Kveðja Hrafnhildur

Aðalfundur Leikfélags Hólmavíkur verður haldinn í Félagsheimilinu á Hólmavík mánudaginn 16. september kl. 20.00.

Leikfélagið vill hvetja til þess að allir sem áhuga hafa á skemmtilegu starfi og góðum félagsskap skelli sér á staðinn. Allir áhugamenn um leiklist geta orðið félagar!

Dagskrá aðalfundar verður eftirfarandi:
1. Kosning fundarstjóra og fundarritara
2. Nýir félagar boðnir velkomnir.
3. Skýrsla stjórnar.
4. Reikningar félagsins.
5. Afgreiðsla lagabreytinga
6. Umræður um næsta leikár.
7. Kosningar stjórnar og skoðunarmanna reikninga.
8. Önnur mál.

 

Hér býðst kjörið tækifæri til þess að fylgjast með starfsemi Leikfélags Hólmavíkur sem er margbrotin og auðgandi og vera með í að skoða, skrafa og ræða næsta starfsár félagsins. Öll velkomin!

Sveitarstjórnarfundur 1293 í Strandabyggð

Fundur nr. 1293 í sveitarstjórn Strandabyggðar verður haldinn þriðjudaginn 10. september 2019 kl 16:00 í Hnyðju.

 

Fundardagskrá er svohljóðandi:

1. Fjárhagsáætlun 2019 – samanburður áætlunar og raunkostnaðar
2. Fjárhagsáætlanagerð 2020-2023 – drög að verklagi
3. Tónskólinn, gjaldskrá fyrir fullorðna
4. Umsóknir um smástyrki Strandabyggðar, 2019
5. Fundargerðir nefnda
   • Umhverfis- og skipulagsnefnd, 9.9.2019
6. Samningur um skólamáltíðir við Café Riis
7. Forstöðumannaskýrslur
8. Staðfesting á skipan vinnuhóps um sameiningu leik- og grunnskóla
9. Skipan í nefndir.

 

 

Gert er ráð fyrir að eftirtaldir sveitarstjórnarmenn sitji fundinn:

Jón Gísli Jónsson

Aðalbjörg Sigurvaldadóttir

Ásta Þórisdóttir

Guðfinna Lára Hávarðardóttir

Jón Jónsson