Aðalskipulag Strandabyggðar 2010 - 2022 hefur verið staðfest af umhverfisráðherra, Svandísi Svavarsdóttur. Er áætlað að auglýsing þess efnis birtist í B-tíðindum Stjórnartíðinda í byrjun júlí.

Sveitarfélagið Strandabyggð fagnar þessum áfanga. Fjöldi aðila hafa komið að þessari vinnu, bæði hér hjá sveitarfélaginu sem og hjá stofnunum og ráðuneytum, auk þess sem fyrirtækið Landmótun hefur leitt verkefnið undir stjórn Yngva Þórs Loftssonar og Óskars Arnar Gunnarssonar. Þá hafa íbúar lagt sitt af mörkum með mikilvægum ábendingum. Sveitarfélagið Strandabyggð sendir öllum sem komið hafa að Aðalskipulagi Strandabyggðar 2010 - 2022 á einn eða annan hátt bestu þakkir fyrir.   

Í dag er umhverfisdagur fyrirtækja og stofnanna á Hólmavík þar sem allir eru hvattir til að fegra í kringum vinnustaði sína. Geta fyrirtæki og stofnanir óskað eftir að starfsmenn Áhaldahúss Strandabyggðar flytji rusl til förgunar. Fjölmenni var í flokkunarstöð Sorpu í gær þar sem fólk var að skila heimilissorpi, timbri, girðingarefni ofl. en íbúar á Ströndum eru framarlega í sorpflokkun. Fyrirtæki og stofnanir sem vilja taka þátt í að snyrta umhverfi sitt og nýta sér þjónustu Áhaldahúss Strandabyggðar í dag eru hvött til að hafa samband við Snorra Jónsson í síma 861-4806.

Sveitarstjóri Strandabyggðar, Ingibjörg Valgeirsdóttir, verður ekki við á skrifstofu Strandabyggðar frá 4. júlí - 2. ágúst 2011. Hægt er að snúa sér til skrifstofustjóra, Salbjargar Engilbertsdóttur, með erindi ef þörf krefur milli kl. 10:00-14:00 eða senda tölvupóst á skrifstofa@strandabyggd.is

Skrifstofa Strandabyggðar verður lokuð 11. - 22. júlí 2011, þ.m.t. þjónusta félagsmálastjóra Strandabyggðar, Hildar Jakobínu Gísladóttur, og tómstundafulltrúa Strandabyggðar, Arnars S. Jónssonar, vegna sumarfría. Nánari upplýsingar um breytingar á þjónustu vegna sumarfría skrifstofustjóra, félagsmálastjóra og tómstundafulltrúa verða kynntar fljótlega. Fyrsti fundur sveitarstjórnar eftir sumarfrí verður 9. ágúst 2011.

Sveitarstjóri Strandabyggðar hvetur alla íbúa á Ströndum til að taka sér sumarfrí ef þeir mögulega geta og safna góðum minningum með fjölskyldu og vinum!

Umhverfisdagur fyrirtækja og stofnanna á Hólmavík verður haldinn n.k. fimmtudag, 23. júní 2011. Þann dag geta fyrirtæki og stofnanir óskað eftir að starfsmenn Áhaldahúss Strandabyggðar fjarlægi rusl. Eru allir hvattir til að taka þátt í að fegra bæinn og nýta sér þessa þjónustu sveitarfélagsins. Fyrirtæki og stofnanir á Hólmavík geta haft samband við Snorra Jónsson hjá Áhaldahúsi Strandabyggðar í síma 8614806. 
...
Meira

Í sjónvarpsþættinum Landanum sem sýndur er í Ríkissjónvarpinu var rætt við unglinga í Vinnuskóla Strandabyggðar s.l. sunnudag. 22 ungmenni á aldrinum 13 til 16 ára eru í Vinnuskólanum en þau vinna nú að fegrun bæjarins. Strandamenn mega vera stoltir af unga fólkinu sínu eins og sjá má hér http://www.ruv.is/frett/kvarta-ekki-undan-kaupinu, en viðtal var tekið við þau þar sem þau voru að lagfæra tröppurnar upp að Hólmavíkurkirkju.